ەلوردادا جەدەل جاردەمگە كوروناۆيرۋس كۇدىگىمەن 2,6 مىڭنان استام تۇرعىن قوڭىراۋ شالعان

نۇر-سۇلتان. قازاقپارات - ماۋسىمدا ەلوردالىقتار كوروناۆيرۋس جۇقتىرىپ الدىم دەپ قاۋىپتەنىپ، جەدەل مەديسيالىق جاردەم ستانساسىنا 2,6 مىڭنان استام قوڭىراۋ شالعان.
None
None

بۇل تۋرالى نۇر-سۇلتان قالاسى جەدەل مەديسينالىق جاردەم ستانساسىنىڭ ديرەكتورى مۇرات ورازبايەۆ ايتتى، دەپ حابارلايدى قازاقپارات ءتىلشىسى.

«ەلىمىزدىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس، جەدەل كومەك قىزمەتكەرلەرى ايىنا ءبىر رەت 100 پايىز پ ت ر- تەستىلەۋىنەن ءوتۋى ءتيىس. وسى رەتتە نۇر-سۇلتان قالاسى بويىنشا مىناداي دەرەك كەلتىرە كەتەيىن. 1-ماۋسىمنان باستاپ بۇگىنگى كۇنگە دەيىن كوروناۆيرۋس ينفەكسياسىمەن بايلانىستى 2,6 مىڭنان استام شاقىرتۋ تىركەلدى. ونىڭ ىشىندە 1 236 پاسيەنت اۋرۋحاناعا جاتقىزىلدى. بۇل 48 پايىزدى قۇرايدى. قالعان پاسيەنتتەر ۋچاسكەلىك دارىگەر قاداعالاۋ ءۇشىن ۇيلەرىنە جىبەرىلدى»، - دەدى مۇرات ورازبايەۆ ورتالىق كوممۋنيكاسيالار قىزمەتىندە وتكەن بريفينگ بارىسىندا.

ال ۇلتتىق شۇعىل مەديسينانى ۇيلەستىرۋ ورتالىعى باسقارما ءتوراعاسىنىڭ مىندەتىن اتقارۋشى باۋىرجان ءجۇسىپوۆ جەدەل مەديسينالىق جاردەم قىزمەتىنە كوروناۆيرۋس ينفەكسياسىنا بايلانىستى تۇسكەن قوڭىراۋلاردىڭ 5 مىڭنان اسىپ كەتكەندىگىن ايتادى.

«ءبىز ۇنەمى مونيتورينگ جۇرگىزىپ وتىرامىز. مالىمەتتەر كۇن سايىن، ءتىپتى ساعات سايىن وزگەرىپ تۇرادى. قازىرگى ۋاقىتتا كوروناۆيرۋس ينفەكسياسى كۇدىگىمەن 5 مىڭنان استام شاقىرتۋلارعا جەدەل كومەك بريگاداسىنىڭ قىزمەت كورسەتكەندىگى تۋرالى مالىمەت بار. ولاردىڭ 70 پايىزعا جۋىعى اۋرۋحاناعا جاتقىزىلعان. بىزدە بەكىتىلگەن الگوريتم بار. سوعان سايكەس، اۋرۋدىڭ جەڭىل اعىمى انىقتالعان جاعدايدا جانە قاۋىپ فاكتورلارى جوق پاسيەنت ۇيدە قالدىرىلادى. ارى قاراي ەمحانانىڭ ۋچاسكەلىك دارىگەرىنىڭ قاداعالاۋىنا جىبەرىلەدى. كەيبىر جاعدايدا پاتسەنت اۋرۋحاناعا اپارىلعان جوق، ەندى ءبىر جاعدايلاردا كوروناۆيرۋس ينفەكسياسى بەلگىلەرى بايقالمادى»، - دەدى باۋىرجان ءجۇسىپوۆ.

اۆتور: مارلان جيەمباي

سوڭعى جاڭالىقتار