اۋىل تۇرعىندارىنا «اۋىل اماناتى» جوباسى بويىنشا 2,5 پايىزبەن نەسيە بەرىلە باستايدى
وبلىس اكىمى اۋىل شارۋاشىلىعى، جۇمىسپەن قامتۋدى ۇيلەستىرۋ جانە الەۋمەتتىك باعدارلامالار، كاسىپكەرلىك جانە يندۋستريالىق-يننوۆاتسيالىق دامۋ باسقارمالارىنىڭ، سونداي-اق، «پاۆلودار» الەۋمەتتىك- كاسىپكەرلىك كورپوراتسياسى» ا ق وكىلدەرىمەن «اۋىل اماناتى» جوباسىن تالقىلادى.
جوبانىڭ نەگىزگى ماقساتى - حالىقتىڭ تابىسىن ارتتىرۋ، اۋىل شارۋاشىلىعى تاۋارىن وندىرۋشىلەردى جان-جاقتى قولداۋ، اۋىل تۇرعىندارىن اگرارلىق بيزنەسكە بارىنشا تارتۋ، ازىق-تۇلىك قاۋىپسىزدىگىنە جانە ازاماتتاردىڭ ءومىر ءسۇرۋ ساپاسىن جاقسارتۋعا بايلانىستى ماسەلەلەردى شەشۋ.
«اۋىل اماناتى» جوباسى قاتىسۋشىلارعا %2,5 عانا قۇرايتىن تومەندەتىلگەن سىياقى ستاۆكاسى بويىنشا شاعىن نەسيە بەرۋدى كوزدەيدى.
شاعىن نەسيە كولەمى - 8,6 ميلليون تەڭگەگە دەيىن.
پاۆلودار وبلىسىندا جوبا شەڭبەرىندە 300 كەيستى جوبانى جۇزەگە اسىرۋعا 1,5 ميلليارد تەڭگە ءبولىندى.
اسايىن بايحانوۆ وزەكتى بيزنەس-جوبالاردىڭ تىزبەسىن جانە جەڭىلدىكتى كرەديتتەر الۋ تەتىكتەرىن پىسىقتاۋدى، سونداي-اق، وبلىس اۋداندارىنىڭ تۇرعىندارىمەن قاجەتتى ءتۇسىندىرۋ جۇمىستارىن جۇرگىزۋدى تاپسىردى.