ەسەپ كوميتەتى ق ر سىرتقى ىستەر مينيسترلىگىنىڭ بيۋدجەتتىك جانە وزگە زاڭنامانى 2,5 ميلليارد تەڭگە سوماسىنا بۇزۋىن انىقتادى
ۆەدومستۆونىڭ باسپا ءسوز قىزمەتىنىڭ حابارلاۋىنشا، ەسەپ كوميتەتىنىڭ كەزەكتى وتىرىسىندا قازاقستان رەسپۋبليكاسى سىرتقى ىستەر مينيسترلىگىنە جەكەلەگەن بيۋدجەتتىك باعدارلامالاردى ىسكە اسىرۋعا، بولىنگەن رەسپۋبليكالىق بيۋدجەت قاراجاتىنىڭ قازاقستان رەسپۋبليكاسى زاڭناماسىنا سايكەس پايدالانىلۋىنا باقىلاۋ جاساۋ شاراسىنىڭ قورىتىندىلارى شىعارىلدى.
«باقىلاۋمەن قامتىلعان 64,6 ميلليارد تەڭگە كولەمىندەگى بيۋدجەتتىك قاراجاتتىڭ جالپى كولەمىنەن 2,5 ميلليارد تەڭگەگە بيۋدجەتتىك جانە وزگە زاڭنامانىڭ بۇزىلۋى انىقتالدى، 116,1 ميلليون تەڭگە سوماسىنداعى بيۋدجەتتىك قاراجات ءتيىمسىز جۇمسالعان»، - دەلىنگەن حابارلامادا.
باسپاءسوز قىزمەتىنىڭ مالىمەتتەرىنشە، انىقتالعان بۇزۋشىلىقتار بيۋدجەتتىك وتىنىمدەردى قۇرۋ، بۋحالتەرلىك ەسەپتى جۇرگىزۋ، عيماراتتاردى جالعا الۋ شىعىندارىن قارجىلاندىرۋ، شەتەلدەگى مەكەمە عيماراتتارىنىڭ سالىنۋى مەن كۇردەلى جوندەلۋ ماسەلەلەرىنە قاتىستى بولىپ وتىر.
مينيسترلىكتىڭ انىقتالعان بۇزۋشىلىقتار مەن كەمشىلىكتەردى جويۋ بويىنشا جوسپار جاساعانى اتاپ وتىلەدى. جەكەلەگەن بۇزۋشىلىقتار باقىلاۋ شاراسىن وتكىزۋ كەزىندە جويىلعان، رەسپۋبليكالىق بيۋدجەت پايداسىنا 0,72 ميلليون تەڭگە تولەندى.
وتىرىس قورىتىندىلارى بويىنشا قازاقستان رەسپۋبليكاسى سىرتقى ىستەر مينيسترلىگىنە انىقتالعان كەمشىلىكتەردى، ولارعا سەپتىگىن تيگىزىپ وتىرعان سەبەپتەر مەن جاعدايلاردى جويۋ، قازىرگى زاڭناما بۇزۋشىلىقتارىنا جول بەرگەن لاۋازىمدى تۇلعالاردى جاۋاپكەرشىلىككە تارتۋ بويىنشا شارالاردى قولدانۋ تاپسىرىلعان.
