پەتروپاۆلدىق شەنەۋنىككە پارا العانى ءۇشىن 2,5 ميلليون تەڭگە ايىپپۇل سالىندى

استانا. قازاقپارات - پەتروپاۆل قالالىق سوتى جەر قاتىناستارى ءبولىمىنىڭ باسشىسى د. ساعىنوۆاعا 45 مىڭ تەڭگە پارا العانى ءۇشىن 2,5 ميلليون تەڭگەگە جۋىق ايىپپۇل تولەۋ ۇكىمىن شىعاردى.

بۇل تۋرالى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وبلىستىق دەپارتامەنتىنەن حابارلادى.

سوت ۇكىمىمەن د. ساعىنوۆاعا پارانىڭ جەتپىس ەسە قۇنى 2 ميلليون 450 مىڭ تەڭگە ايىپپۇل تۇرىندە (جەكە وزىنە تيەسىلى مۇلىكتەردى تاركىلەپ، ءومىر بويىنا مەملەكەتتىك جانە ءوزىن- ءوزى باسقارۋ ورگاندارىندا جۇمىس ىستەۋ قۇقىعىنان ايىرا وتىرىپ) جازا كەستى.

سوتتالۋشى ق ر ق ك «مەملەكەتتىك قىزمەتتى اتقارۋعا ۋاكىلەتتى تۇلعا بىرنەشە رەت پارا الۋ» بابىندا كوزدەلگەن قىلمىستى جاساعانى ءۇشىن ايىپتى دەپ تانىلدى.