احمەتوۆتەر اۋلەتىنىڭ شەتەلدىك كومپانيالارىنىڭ ەسەپشوتىنا 2,4 ميلليون دوللاردان استام قارجى اۋدارىلعان
سوتتا ايىپتالۋشىلاردىڭ ءبىرى - «قازاقستان ونەركاسىپ كورپوراتسياسى» ج ش س باس ديرەكتورىنىڭ بۇرىنعى ورىنباسارى ءالجان اقمولدايەۆ احمەتوۆتار اۋلەتىنىڭ شەتەلدىك كومپانيالارىنىڭ ەسەپشوتىنا اۋدارىلعان قاراجات تۋرالى ايتتى.
ايىپتالۋشىنىڭ سوزىنە قاراعاندا، اتالعان قاراجات - قاراعاندى يندۋستريالدىق ساياباعىنىڭ ينفراقۇرىلىمدىق نىسانداردىڭ قۇرىلىسىنا قاتىسۋ مۇمكىندىگى ءۇشىن بەرىلگەن پارا.
«س. احمەتوۆ ءۇشىن «Sahl Al Madina General Trading LLC» (ب ا ءا تىركەلگەن) كومپانياسىنىڭ شوتىنا 2012 -جىلى 1 -اقپاندا 250000 ا ق ش دوللارى، 2012 -جىلى 11 -اقپاندا - 300000 دوللار، 2012 -جىلى 19 -اقپاندا - 200000 دوللار، 2012 -جىلى 25 -اقپاندا - 250000 دوللار، 2012 -جىلى 4 -ماۋسىمدا - 250000 دوللار، 2012 -جىلى 16 -جەلتوقساندا - 490000 دوللار، 2013 -جىلى 13 -قاڭتاردا - 500000 دوللار، 2013 -جىلى 24 -ناۋرىزدا - 200000 دوللار قاراجات اۋدارىلعان. وسىلايشا، 2012 -جىلدىڭ اقپانىنان 2013 -جىلدىڭ ناۋرىزىنا دەيىن س. احمەتوۆ ءۇشىن شەتەلدىك كومپانيالاردىڭ شوتىنا 2440000 ا ق ش دوللارى اۋدارىلدى»، - دەپ حابارلادى ءالجان اقمولدايەۆ.
بەلگىلى بولعانداي، مەردىگەر مەن س. احمەتوۆ اراسىندا دەلدال بولعان دانيار احمەتوۆ (سەرىك احمەتوۆتىڭ ۇلى) اقمولدايەۆتان «Sahl al Madina General Trading LLC» مەن «Al Karada General Trading LLC» (سوڭعىسىنان اقشا اۋدارىلعان) كومپانيالارى اراسىنداعى كەلىسىمدى راستايتىن شارت دايىنداۋدى سۇراعان. بۇل كىشى احمەتوۆتىڭ قاراجاتتى پايدالانا الۋى ءۇشىن كەرەك بولعان. ويتكەنى كەلىسىم جاساسقانىن دالەلدەيتىن قۇجاتسىز شوت اشىلعان بانك قارجى وپەراتسيالارىن جاساۋعا رۇقسات بەرمەگەن.
اقمولدايەۆ كومپانيالاردىڭ ءبىرىن كارتوپ جەتكىزۋشى، ەكىنشىسىن ساتىپ الۋشى قىلىپ كورسەتكەن. ناتيجەسىندە 1300 توننا كارتوپ 650000 دوللارعا ساتىلدى.
كورسەتىلگەن مەرزىمدە شەتەلدەگى ەسەپشوتتارعا 2,44 ميلليون دوللار - شامامەن 324 ميلليون تەڭگە اۋدارىلعانىن بايقاۋعا بولادى. 600 ميلليون اۋدارماق بولعان. الايدا ايلاعا قاتىسقاندار ۇستالعاندىقتان، قالعان سومانى اۋدارىپ ۇلگەرمەگەن.
اتاپ وتەيىك، اقمولدايەۆ سۇراۋ كەزىندە داتالار مەن سومانى ناقتى اتاپ وتىرعان. ول ءتىپتى، س. احمەتوۆپەن كەزدەسۋىنىڭ بۇگە- شۇگەسىنە دەيىن ايتىپ بەرە الدى. ول س. احمەتوۆ ۇيىندەگى اۋلادا الما پىسكەنىن ەسكە الىپ، كەزدەسۋ تامىز ايىندا وتكەنىن اتادى. سونداي-اق ول س. احمەتوۆ تۇسكى اسقا جارتى ساعات قالعاندا الما جەيتىنىن ايتتى.
