وبلىسى اكىمى ازيا چەمپيونىن 2,4 ميلليون تەڭگەمەن ماراپاتتادى
بۇل تۋرالى وبلىس اكىمىنىڭ باسپا ءسوز قىزمەتىنەن حابارلادى.
ك. كوكىرەكبايەۆ چەمپيونعا 2,4 ميلليون تەڭگەنى قۇرايتىن اقشا سەرتيفيكاتىن ۇستاتتى. سپورتشىنىڭ جاتتىقتىرۋشىسى 300 مىڭ تەڭگەلىك سەرتيفيكاتقا يە بولدى.
كەزدەسۋدىڭ سوڭىندا ايماق باسشىسى سپورتشىعا دەنساۋلىق جانە بولاشاقتا سپورتتىق جەتىستىكتەر تىلەدى، دەپ حابارلايدى وبلىس اكىمىنىڭ باسپا ءسوز قىزمەتىنەن.
ەسكە سالا كەتەيىك، 25 -تامىز-5 -قىركۇيەك ارالىعىندا تايلاند استاناسى بانگكوك قالاسىندا ازيا ەلدەرىنىڭ اۋەسقوي بوكسشىلارى ءۇشىن ەڭ ماڭىزدى جارىس بولىپ تابىلاتىن بوكستان ازيا چەمپيوناتى ءوتتى.
ولجاس ساتتىبايەۆ فينالدا 52 كەلىگە دەيىنگى سالماقتا وزبەك سپورتشىسى شاحوبيددين زويروۆپەن كەزدەستى. ءۇش راۋندتىڭ قورىتىندىسى بويىنشا تورەشىلەردىڭ شەشىمىمەن جامبىلدىق بوكسشى 3:0 (29:28, 29:28, 29:28) ەسەبىمەن جەڭىسكە جەتىپ، 2015 -جىلعى ازيا چەمپيونى اتاندى.