استانالىق كولىك جۇرگىزۋشىلەر مەملەكەتكە 2,1 ميلليارد تەڭگە قارىز

استانا. قازاقپارات - استانا قالاسى بويىنشا مەملەكەتتىك كىرىستەر دەپارتامەنتى استانا قالاسىنىڭ پوليتسيا باسقارماسىمەن جانە جەكە سوت ورىنداۋشىلارىنىڭ وڭىرلىك پالاتاسىمەن بىرلەسىپ اۆتوكولىك قۇرالدارى ءۇشىن سالىق بەرەشەگىن ءوندىرىپ الۋ بويىنشا «بورىشكەر» جەدەل-الدىن الۋ ءىس-شاراسى وتكىزىپ جاتىر، دەپ حابارلايدى قازاقپارات دەپارتامەنتتىڭ باسپا ءسوز قىزمەتىنە سىلتەمە جاساپ.

بۇگىندە جەكە تۇلعالاردىڭ كولىك قۇرالدارىنا سالىناتىن سالىق بويىنشا بەرەشەگىنىڭ جالپى سوماسى 2,1 ميلليارد تەڭگەگە جەتكەن.

رەيدتىك ءىس-شارالاردى وتكىزۋ بارىسىندا 97 ميلليون تەڭگە ءوندىرىلدى.

«ءىس- شارالاردى وتكىزۋ بارىسىندا Lexus ،Toyota Land Cruiser ،Mercedes Benz ،Tundra ماركالى جانە قوزعالتقىش كولەمى 4000 تەكشە س م-دەن اساتىن 20 دان استام كولىك ايىپپۇل تۇراعىنا قامالدى»، - دەدى ۆەدومستۆودان.

الداعى ۋاقىتتا ءىس-شارا جىل سوڭىنا دەيىن تۇراقتى تۇردە جالعاساتىن بولادى.

بۇل رەتتە kgd.gov.kz سايتىنىڭ جانە «e-Salyq Azamat» موبيلدى قوسىمشالارى مەن ەكىنشى دەڭگەيدەگى بانكتەر كومەگىمەن قارىزدى تەكسەرۋگە بولادى.