ق ر ي د م كولىك كوميتەتىندە 2,1 ميلليارد تەڭگەنىڭ زاڭسىزدىقتارى انىقتالدى

«ق ر ينۆەستيتسيالار جانە دامۋ مينيسترلىگى كولىك كوميتەتىنە بولىنگەن رەسپۋبليكالىق بيۋدجەتتىڭ قاراجاتتارىنىڭ جۇمسالۋىنا اۋديت جۇرگىزۋ بارىسىندا 2,1 ميلليارد تەڭگەنىڭ زاڭسىزدىقتارى انىقتالدى»، - دەپ اتاپ ءوتتى ول.
ونىڭ ءسوزى بويىنشا، كولىك كوميتەتى ق ر ي د م ستراتەگيالىق جوسپارىنداعى ءبىرقاتار شارالارىنىڭ ساپالى جانە ۋاقىتىلى اتقارىلۋىن قامتاماسىز ەتپەگەن.
«مىسالى، ءشۇلبى ءشليۋزىنىڭ قۇرىلىسى 2015 -جىلى اياقتالۋى ءتيىس بولعان. ول قازىرگى ۋاقىتقا دەيىن پايدالانۋعا بەرىلمەدى، قۇرىلىس جۇمىستارى تەك 80 پايىزعا اتقارىلعان»، - دەدى گورياينوۆ.
ا. گورياينوۆتىڭ ءسوزى بويىنشا، «جولاۋشىلاردى تاسىمالداۋ» ا ق- نىڭ شىعىندارى 9 ميلليارد تەڭگەگە ارتقان. ونىڭ ۇستىنە 2016 -جىلدىڭ التى ايىندا كومپانيانىڭ شىعىنى 4 ميلليارد تەڭگەگە جەتىپ وتىر.
سونىمەن قاتار الماتى مەتروسىن ۇزارتۋعا بولىنگەن 519 ميلليون تەڭگە قاراجات باسقا نىساننىڭ 2004 -جىلعى قارىزىن جابۋعا جۇمسالعان. 2015 -جىلى مەترونى ۇزارتۋعا قاتىستى قۇرىلىس جۇمىستارىنا الماتى قالاسىنىڭ 437 ميلليون بيۋدجەتتىك قاراجاتى تارتىلماعان. سونىمەن قاتار ورال وزەنىنىڭ تۇبىنە باتىپ كەتكەن قايىقتاردان تازارتۋ جۇمىستارىن دا ساپاسىز جاسالعان.
اۆتور: جاسۇلان جولدىبايەۆ