استاناداعى ءتۋرنيردىڭ ءبىرىنشى كۇنى قازاقستاندىق بالۋاندار 2 التىن، 1 قولا مەدال جەڭىپ الدى

استانا. قازاقپارات - بۇگىن استانا قالاسىندعى «داۋلەت» سپورت كەشەنىندە گرەك-ريم، ەركىن جانە ايەلدەر كۇرەسى بويىنشا ازيالىق وليمپيادالىق ىرىكتەۋ ءتۋرنيرىنىڭ ءبىرىنشى كۇنى اياقتالدى.

جارىستىڭ العاشقى كۇنى وتانداستارىمىز 2 التىن، ءبىر قولا مەدال جەڭىپ الدى. سونداي-اق، ريو وليمپياداسىننا ەكى بىردەي جولدامانى جەڭىپ الدى.

ەستەرىڭىزگە سالا كەتەيىك. العاشقى جولدامانى اراسىنداعى 69 كەلى سالماقتا بەلدەسكەن ەلميرا سىزدىقوۆا جەڭىپ العان بولاتىن. ول فينالدا جولدامامەن بىرگە التىن مەدالدى قوسا جەڭىپ الدى.

ال ەكىنشى التىندى ەرلەر اراسىندا ەركىن كۇرەستەن 74 كەلى سالماقتا ونەر كورسەتكەن عالىم وسەربايەۆ يەلەندى. ول تۇسكە دەيىن ريو وليمپياداسىنىڭ جولداماسىنا قول جەتكىزگەن بولاتىن.

ال بۇگىنگى جالعىز قولا مەدالدى گرەك-ريم كۇرەسىنەن بەلدەسكەن 85 كەلىدەگى ازامات قۇستىبايەۆ يەلەندى. الايدا، ازاماتقا ءۇشىنشى ورىن العانىمەن ريو وليمپياداسىنىڭ جولداماسى بۇيىرمادى.

ەستەرىڭىزگە سالا كەتەيىك، استانادا ءوتىپ جاتقان ازيانىڭ وليمپياداعا ىرىكتەۋ جارىسىنا تەك فينالعا شىققان ەكى بالۋانعا عانا وليمپيادانىڭ جولداماسى بەرىلەدى. استاناداعى تۋرنيرگە ازيانىڭ 26 ەلىنەن جالپى 168 بالۋانى ريو وليمپياداسىنا 36 جولدامانى ساراپقا سالۋدا.

 

 كۇنسۇلتان وتارباي