قىتايدا قالىڭ قاردان 2,1 ميلليوننان استام ادام زارداپ شەكتى

استانا. قازاقپارات - قىتايدىڭ وڭتۇستىگىندە يۋننان پروۆينتسياسىندا تولاسسىز جاۋعان قار سالدارىنان 2,1 ميلليوننان استام ادام زارداپ شەكتى، دەپ حابارلادى شينحۋا اگەنتتىگى جەرگىلىكتى بيلىككە سىلتەمە جاساپ.

سوڭعى بىرنەشە كۇندە اۋا تەمپەراتۋراسى ءتۇسىپ، پروۆينتسيانىڭ كەي اۋداندارىندا نولدىك بەلگىگە جەتكەندىگى حابارلاندى. قولايسىز اۋا رايى 46 ۋەزدى قامتىدى. وندا مىڭداعان ۇيلەردى قار باسىپ قالدى. قىتايدىڭ وڭتۇستىك پروۆينتسياسىنىڭ كەي اۋداندارىندا قار 8 سانتيمەترگە دەيىن ءتۇستى.

اۋا رايىنىڭ قولايسىزدىعى سالدارىنان كەمىندە 47 ادام شۇعىل كوشىرىلدى. تاعى 3,8 مىڭ تۇرعىنعا قۇتقارۋشىلاردىڭ كومەگى قاجەت بولدى، دەپ جازدى ر ي ا نوۆوستي.

بۇدان باسقا، قاردىڭ كوپ جاۋۋى مەن سۋىقتان ەگىس القاپتارى زارداپ شەكتى.

جەرگىلىكتى بيلىك زارداپ شەككەن اۋداندارعا جىلى كورپە، كيىم-كەشەك، ازىق-تۇلىك جەتكىزدى.