ءاليحان سمايىلوۆ 1- قىركۇيەككە دەيىن ستۋدەنتتەرگە جاتاقحانا ءبولۋدى كۇشەيتۋدى تاپسىردى

قازاقپارات بۇل تۋرالى ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.
جيىنعا قاتىسۋشىلار بۇگىندە ستۋدەنتتىك جاتاقحانالارداعى ورىن تاپشىلىعى ماسەلەسىن تالقىلادى.
عىلىم جانە جوعارى ءبىلىم ءمينيسترى ساياسات نۇربەك بيىل 11 مىڭ ورىندىق 37 نىسان، ونىڭ ىشىندە ج و و ستۋدەنتتەرىنە ارنالعان – 26، كوللەدج ستۋدەنتتەرىنە ارنالعان 11 جاتاقحانا پايدالانۋعا بەرىلەتىنىن ايتتى.
بۇل رەتتە، ونىڭ اقپاراتى بويىنشا، 1,4 مىڭ ورىندىق 4 نىسان جوسپارلى مەرزىمىندە پايدالانۋعا بەرىلمەۋى مۇمكىن. بۇل «استانا مەديتسينا ۋنيۆەرسيتەتى» ك ە ا ق جاتاقحاناسىن كۇردەلى جوندەۋ، الماتى قالاسىندا 400 ورىندىق جاتاقحانا سالۋ جانە 450 ورىندىق ەكى جاتاقحاناعا كۇردەلى جوندەۋ جۇرگىزۋ سىندى جوبالار.
مينيستر جاتاقحانالار قۇرىلىسى كەزىندە ينۆەستورلار كەزدەسەتىن نەگىزگى پروبلەمالار قاتارىندا نىسانداردىڭ ماقساتىن وزگەرتۋ، زاتتاي گرانتتار بەرۋ جانە كوممۋنالدىق جەلىلەرگە قوسىلۋ م. مكىندىگىنىڭ شەكتەلۋىندەگى قيىندىقتاردى اتادى.
ءاليحان سمايىلوۆ ەگەر بۇل ماسەلە ۋاقتىلى شەشىلمەيتىن بولسا، جاعداي ودان سايىن قيىنداي بەرەتىنىن اتاپ ءوتتى.
كوپتەگەن ۋنيۆەرسيتەتتەردىڭ باسشىلارى ستۋدەنتتەرگە ءتيىستى جاعداي جاساۋ وزدەرىنىڭ تىكەلەي مىندەتى ەكەنىن ءىس جۇزىندە ۇمىتىپ كەتتى دەۋگە بولادى. ءوز كەزەگىندە عىلىم جانە جوعارى ءبىلىم، وقۋ- اعارتۋ مينيسترلىكتەرى ۋنيۆەرسيتەتتەر مەن كوللەدجدەردىڭ سىرتتان كەلگەن ستۋدەنتتەردى جاتاقحانامەن تولىق قامتاماسىز ەتۋ تالاپتارىنىڭ ورىندالۋىنا قاتىستى جاعدايدى باقىلاپ وتىرعان جوق. سونداي- اق اكىمدىكتەردىڭ تاراپىنان دا ۇيلەستىرۋ جۇمىستارى ناشار، — دەدى پرەمەر- مينيستر.
ونىڭ ايتۋىنشا، وقۋعا قابىلدانعان ستۋدەنتتەر جاتاقحانادا ورىن جوق ەكەنىن ورنالاسۋعا كەلگەن كەزدە ءبىر- اق بىلەدى. سوسىن، وقۋعا دايىندالۋدىڭ ورنىنا ولار ءوز بەتىنشە تۇراتىن باسپانا ىزدەۋگە ءماجبۇر بولادى.
ءاليحان سمايىلوۆ 1- قىركۇيەككە دەيىن ستۋدەنتتەرگە جاتاقحانادان ورىن ءبولۋ جۇمىستارىن بارىنشا كۇشەيتۋدى، سونداي- اق بيىلعا جوسپارلانعان 37 نىساننىڭ بارلىعىنىڭ مەرزىمىندە تاپسىرىلۋىن قامتاماسىز ەتۋدى مىندەتتەدى. ول ءۇشىن عىلىم جانە جوعارى ءبىلىم، وقۋ- اعارتۋ مينيسترلەرى، وبلىس اكىمدەرى تىكەلەي جاۋاپتى ەكەنىن اتاپ ءوتتى.
شتاب وتىرىسى بارىسىندا مەملەكەت باسشىسىنىڭ اۋىل حالقىنىڭ تابىسىن ارتتىرۋ جونىندەگى «اۋىل اماناتى» باعدارلاماسىن ىسكە اسىرۋ تۋرالى تاپسىرماسىن ورىنداۋ ماسەلەسى دە قارالدى.
اۋىل شارۋاشىلىعى ءمينيسترى ەربول قاراشوكەيەۆ بيىل باعدارلامانى جۇزەگە اسىرۋعا رەسپۋبليكالىق بيۋدجەتتەن 100 ميلليارد تەڭگە قاراستىرىلىپ، 17 مىڭ شاعىن نەسيە بەرۋ جوسپارلانعانىن، بۇل اۋىلداردا 18 مىڭنان استام جاڭا جۇمىس ورنىن اشۋعا مۇمكىندىك بەرەتىنىن ايتتى.
دەگەنمەن، باعدارلامانى جۇزەگە اسىرۋعا ون وبلىس قانا بەلسەندى تۇردە كىرىسكەن. جەتى وڭىردە جۇمىس قارقىنى باياۋ، ال ءۇش وڭىردە بىردە- ءبىر ءوتىنىم (شىعىس قازاقستان، ماڭعىستاۋ جانە اباي وبلىستارى) ماقۇلدانباعان.
حالىقپەن بەلسەندى جۇمىس ىستەۋ كەرەك. اۋداندار مەن اۋىلدىق وكرۋگتەردىڭ اكىمدەرى تۇرعىندارمەن تۇراقتى بايلانىستا بولىپ، ميكروكرەديتتىڭ شارتتارى مەن پايداسىن تۇسىندىرۋگە ءتيىس. 5-7 -جىلعا %2,5 بەن نەسيە بەرۋ وتە ءتيىمدى شارت بولىپ تابىلادى. مۇنى قاراپايىم تىلمەن جانە دۇرىس ءتۇسىندىرۋ كەرەك، — دەدى پرەمەر- مينيستر.
ءاليحان سمايىلوۆ وبلىس اكىمدىكتەرىنە بەرىلگەن قاراجاتتىڭ تولىق يگەرىلۋىن، ولاردىڭ ماقساتتى پايدالانىلۋىن ءارى ۋاقتىلى قايتارىلۋىن قامتاماسىز ەتۋدى، سونداي- اق 2023 -جىلعا ارنالعان باعدارلاما كورسەتكىشتەرىنە قول جەتكىزۋدى باقىلاۋدا ۇستاۋدى تاپسىردى.