قازاقستان مەن ازەربايجان ءوزارا ساۋدا كولەمىن 1 ميلليارد دوللارعا دەيىن جەتكىزۋدى جوسپارلاپ وتىر

None
Фото: primeminister.kz
استانا. قازاقپارات - قازاقستان پرەمەر-ءمينيسترى ءاليحان سمايىلوۆ ازەربايجانعا رەسمي ساپارى بارىسىندا وسى ەلدىڭ پرەزيدەنتى يلحام اليەۆپەن كەزدەستى، دەپ حابارلايدى قازاقپارات ۇكىمەتتىڭ رەسمي سايتىنا سىلتەمە جاساپ.

ۇكىمەت باسشىسى ق ر پرەزيدەنتى قاسىم-جومارت توقايەۆتىڭ ىستىق سالەمىن جەتكىزىپ، ازەربايجان حالقىنىڭ جالپىۇلتتىق كوشباسشىسى گەيدار الييۆتىڭ بيىل اتالىپ وتىلەتىن 100 جىلدىق مەرەيتويىنىڭ ماڭىزى زور ەكەنىن ايتتى.

ول ەكى ەل اراسىنداعى قارىم-قاتىناستار سەنىم مەن ءوزارا تۇسىنىستىككە نەگىزدەلگەن ستراتەگيالىق ارىپتەستىك پەن وداقتاستىقتىڭ جارقىن ۇلگىسى ەكەنىن اتاپ ءوتتى. ازەربايجان - قازاقستاننىڭ وڭتۇستىك كاۆكازداعى ەڭ ماڭىزدى ساۋدا-ەكونوميكالىق سەرىكتەسى. وتكەن جىلدىڭ قورىتىندىسى بويىنشا ەكىجاقتى تاۋار اينالىمى %40 عا ءوسىپ، $460 ميلليوننان استى. بيىلعى 4 ايدىڭ قورىتىندىسىنا سايكەس ءوزارا ساۋدا اينالىمى $185 ميلليوندى قۇراپ، %40 عا ارتتى.

«تاۋار اينالىمىن $1 ميلليارد قا جەتكىزۋ جونىندەگى الدىمىزعا قويىلعان مىندەتكە سايكەس، ءبىز ازەربايجان ۇكىمەتىمەن بىرلەسىپ، ساۋدا-ەكونوميكالىق قارىم-قاتىناستاردى كەڭەيتۋ بويىنشا جۇمىس ىستەپ جاتىرمىز»، — دەدى ءاليحان سمايىلوۆ.

ءوز تاراپىنان يلحام اليەۆ ق ر پرەمەر-ءمينيسترىنىڭ ازەربايجانعا رەسمي ساپارى ەكى ەل اراسىنداعى دوستىق قارىم-قاتىناستى ودان ءارى دامىتۋعا ىقپال ەتەتىنىنە سەنىم ءبىلدىردى.

«ءبىزدىڭ ىنتىماقتاستىعىمىزدىڭ كۇن ءتارتىبى وتە اۋقىمدى، ول جىلدان جىلعا كەڭەيىپ كەلەدى. پرەزيدەنتتەر دەڭگەيىندە قابىلدانعان كەلىسىمدەردىڭ جۇزەگە اسىرىلىپ جاتقانىنا قۋانىشتىمىن. بۇل ەكى ەل اراسىنداعى قارىم-قاتىناستىڭ وتە جوعارى دەڭگەيدە ەكەنىن كورسەتەدى. سونىمەن قاتار ولاردى ءارى قاراي دامىتۋ ءۇشىن بىزدە وراسان زور الەۋەت بار. ءبىز كەلىسكەن شارالاردى ىسكە اسىرۋ تاۋار اينالىمىنىڭ ۇلعايۋىنا ىقپال ەتىپ، ەنەرگەتيكا، كولىك جانە باسقا سالالاردا بۇدان دا اۋقىمدى جوبالاردى جۇزەگە اسىرۋ ءۇشىن بيزنەسكە قوسىمشا مۇمكىندىكتەر جاسايدى»، — دەدى يلحام اليەۆ.


سوڭعى جاڭالىقتار