قازاقستاننان قىتايعا استىق ەكسپورتى 1 ميلليون تونناعا جەتۋى مۇمكىن
بۇل تۋرالى قازاقستاننىڭ اۋىل شارۋاشىلىعى ءمينيسترى بەيجىڭدە قىتايدىڭ جەتەكشى COFCO جانە CITIC Group اگروكومپانيالارىمەن كەزدەسۋىندە مالىمدەدى، دەپ حابارلايدى قازاقپارات.
ەربول قاراشوكەيەۆ اوك سالاسىنداعى ءوسۋ مەن ىنتىماقتاستىقتىڭ اۋقىمدى پەرسپەكتيۆالارى جانە ەكى ەلدىڭ بيزنەس- قاۋىمداستىقتارى اراسىندا تىكەلەي بايلانىس ورناتۋ جوسپارلارى تۋرالى ايتىپ بەردى.
اتاپ ايتقاندا، قىتايلىق COFCO جانە CITIC Group كومپانيالارىنىڭ باسشىلىعىنا قازاقستاندا استىقتىڭ ەداۋىر قورى بار جانە ەكسپورت ءۇشىن استىقتىڭ قاجەتتى كولەمى مەن ساپاسىن قامتاماسىز ەتە الاتىن وتاندىق كومپانيالار ارقىلى استىق جەتكىزۋدى جۇزەگە اسىرۋ ۇسىنىلدى. بۇدان بولەك، لوگيستيكادا پروبلەمالىق ماسەلەلەر تۋىنداسا اشم ولاردى جەدەل شەشۋگە كومەكتەسۋگە دايىن. ايتا كەتەيىك، الاشانكوۋ جانە قورعاس شەكارالاس قالالارىندا تاۋلىگىنە 10 مىڭ تونناعا دەيىن استىق جۇكتەرىن قابىلداي الاتىن تەرمينالدار بار.
سونداي- اق ەربول قاراشوكەيەۆ ق ح ر- دىڭ ەت قاۋىمداستىعىنىڭ وكىلدەرىمەن كەزدەسۋىندە قازاقستاندىق كاسىپورىندار مۇزداتىلعان سيىر، قوي جانە شوشقا ەتىنىڭ ەكسپورتىن تەزىرەك قالپىنا كەلتىرىلۋىن كۇتەتىنىن اتاپ ءوتتى. سونىمەن قاتار، وتاندىق زاۋىتتار سالقىنداتىلعان ەت جانە بالىق ونىمدەرى، قۇس ەتى، جۇمىرتقا جانە باسقا دا تاۋار تۇرلەرىن جەتكىزۋگە دايىن.
اشم باسشىسى ق ح ر- عا ەكسپورتتى كىرگىزۋ ءۇشىن وتاندىق ەت كومبيناتتارىن اككرەديتتەۋ مۇمكىندىگىن تالقىلادى. قازىرگى ۋاقىتتا تەك 4 كاسىپورىننىڭ ءتيىستى رۇقساتى بار، ءتىزىمدى تاعى 13 كومپانيا تولىقتىرا الادى.
ايتا كەتەيىك، وتكەن جىلى قازاقستاندا 1,06 ميلليون توننا ەت وندىرىلگەن. ەكسپورتتىڭ نەگىزگى ۇلەسى وزبەكستانعا، ب ا ءا مەن كۋۆەيتكە تيەسىلى.
سونىمەن قاتار، تۇركىستان وبلىسىندا تاۋلىگىنە 1500 باس ءىرى قارا مال سويۋ قۋاتى بار زاماناۋي ەت وڭدەۋ كاسىپورنى مەن قوسالقى ونىمدەردى قايتا وڭدەۋ زاۋىتىن سالۋ جوسپارلانعان. بۇدان باسقا، وڭىردە اۋىل شارۋاشىلىعى جانۋارلارىن ساتۋ بويىنشا ءىرى الاڭ قۇرۋ جوسپارلانىپ وتىر.
