بالالاردى 1-سىنىپقا بەرۋ تۋرالى ءوتىنىشتى قابىلداۋ مەرزىمى جاريالاندى

استانا. قازاقپارات - جاڭا وقۋ جىلىندا 400 مىڭنان استام بالا ءبىرىنشى سىنىپقا بارادى. ءبىرىنشى سىنىپقا قابىلداۋ ءۇشىن ءوتىنىش بەرۋ 1-ساۋىردە باستالىپ، تامىزدىڭ 1 نە دەيىن جالعاسادى، دەپ حابارلايدى ق ر وقۋ-اعارتۋ مينيسترلىگىنىڭ باسپا ءسوز قىزمەتى.

مەملەكەتتىك ءبىلىم بەرۋ قىزمەتى egov.kz ەلەكتروندىق ۇكىمەت ۆەب-پورتالى ارقىلى مەن جەرگىلىكتى اتقارۋشى ورگانداردىڭ اقپاراتتىق جۇيەلەرىندە قولجەتىمدى.

«بالالار ءبىرىنشى سىنىپقا التى جاستان باستاپ اتا-اناسى نەمەسە زاڭدى وكىلىنىڭ ءوتىنىشى نەگىزىندە قابىلدانادى. وتىنىشپەن بىرگە №065ۋ فورماسىنداعى دەنساۋلىق جاعدايى تۋرالى انىقتاما، 026/ۋ-3 بالانىڭ دەنساۋلىق پاسپورتى جانە بالانىڭ ەكى دانا 3*4 فوتوسۋرەتى بولۋ كەرەك. ءوتىنىش دەمالىس جانە مەرەكە كۇندەردى قوسپاعاندا، دۇيسەنبىدەن جۇماعا دەيىن قابىلدانادى. سونداي-اق 1-2-ءساۋىر دەمالىس كۇندەرى، دەمەك وتىنىشتەر 3-ساۋىردەن باستاپ قارالادى»، - دەيدى ورتا ءبىلىم كوميتەتىنىڭ باس ساراپشىسى ەرلان ماەمەروۆ. جاڭا وقۋ جىلىندا 400 مىڭنان استام قازاقستاندىق بالا ءبىرىنشى سىنىپقا بارادى.