سوڭعى تاۋلىكتە قوستاناي وبلىسىنا 1 مىڭنان استام رەسەي ازاماتى كەلدى - پوليتسيا
بۇل تۋرالى وڭىرلىك پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.
«سوڭعى تاۋلىكتە قوستاناي وبلىسىنا 1 مىڭنان استام رەسەي ازاماتى كەلدى. كوشى-قون اعىنى ەكى ەسە ارتتى. وسىعان بايلانىستى كوشى-قون قىزمەتى باسقارماسى شەتەل ازاماتتارىنىڭ وبلىس اۋماعىندا بولۋ ءتارتىبىن ەسكە سالادى. شەتەلدىك ازامات ق ر مەملەكەتتىك شەكاراسىن كەسىپ وتكەن ساتتەن باستاپ قابىلداۋشى تاراپ 3 جۇمىس كۇنى ىشىندە شەتەلدىكتىڭ ناقتى بولعان جەرى بويىنشا ىشكى ىستەر ورگاندارىن حاباردار ەتەدى. بۇل ءراسىمدى «E .Qonaq» اقپاراتتىق جۇيەسى نەمەسە «ۆيزالىق جانە كوشى-قون پورتالى» ارقىلى جۇزەگە اسىرۋعا بولادى.
قازاقستان اۋماعىنا كەلگەن رەسەي، ارمەنيا، بەلارۋس، قىرعىزستان، ازەربايجان جانە تاجىكستان ازاماتتارى 90 كۇنگە دەيىن ەلدەن تىس جەرلەرگە كەتۋگە مىندەتتى. كورسەتىلگەن مەرزىمنەن ارتىق بولعان جاعدايدا ولار تۇرعىلىقتى جەرى بويىنشا ح ق ك و- لارعا جۇگىنىپ، ۋاقىتشا تۇرۋعا رۇقسات راسىمدەۋى قاجەت»، - دەپ ءمالىم ەتتى جەرگىلىكتى قۇزىرلى ورگاننىڭ باسپا ءسوز قىزمەتىنەن.
ەسكە سالايىق، قازاقستان رەسپۋبليكاسىنا كەلىپ جاتقان رەسەي ازاماتتارىنىڭ ارتۋىنا بايلانىستى ىشكى ىستەر مينيسترلىگىنىڭ كوشى-قون قىزمەتى رەسمي تۇردە مالىمدەمە جاسادى.
سونداي-اق، سىرتقى ىستەر مينيسترلىگىنىڭ باسپا ءسوز قىزمەتى رەسەي ازاماتتارىنىڭ ەلگە كىرۋ جانە بولۋ ءتارتىبى تۋرالى تۇسىنىكتەمە بەردى.
