اتىراۋدا ءدىن زاڭناماسىن بۇزعاندارعا 1 ميلليون تەڭگە ايىپپۇل سالىندى
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ءدىني تۇرعىداعى قۇقىق بۇزۋشىلىقتىڭ 43 دەرەگى انىقتالعان.
«بيىلعى جىل باسىنان بەرى وبلىستىق ءدىن ىستەرى باسقارماسىنىڭ قىزمەتكەرلەرىمەن بىرلەسىپ، الەۋمەتتىك جەلىلەردە زاڭسىز ءدىني ماتەريالداردىڭ تارالۋىنىڭ الدىن الۋ ماقساتىندا مونيتورينگ جۇمىستارى جۇرگىزىلدى. سونىڭ ناتيجەسىندە ءدىني سالاداعى اكىمشىلىك قۇقىق بۇزۋشىلىقتىڭ 43 دەرەگى تىركەلدى. انىقتالعان اكىمشىلىك قۇقىقبۇزۋشىلىق جاساعان ادامدارعا قاتىستى ق ر اكىمشىلىك قۇقىقبۇزۋشىلىق تۋرالى كودەكسىنىڭ 453-بابىمەن (ب ا ق قۇرالدارىنىڭ ءونىمىن، سول سياقتى وزگە دە ءونىمدى قازاقستان رەسپۋبليكاسىنىڭ اۋماعىندا دايىنداۋ، ساقتاۋ، اكەلۋ، تاسىمالداۋ، تاراتۋ فاكتىسى) جانە 490-بابىمەن (قازاقستان رەسپۋبليكاسىندا ءدىني قىزمەت جانە ءدىني بىرلەستىكتەر تۋرالى زاڭناماسىن بۇزۋ) اكىمشىلىك حاتتامالار تولتىرىلدى»، - دەپ حابارلادى پوليتسيا دەپارتامەنتىنىڭ باسپا ءسوز قىزمەتى.
پوليتسيا قىزمەتكەرلەرى جيناقتالعان ءىس- قۇجات اتىراۋ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىنا جولدادى. سوت شەمىمىمەن زاڭ بۇزۋشىلارعا 1 ميلليوننان استام تەڭگەنى قۇراعان ايىپپۇل سالىندى.
ەسكە سالا كەتەلىك، اتىراۋدا ۇرلىق جاساعان دەسترۋكتيۆتى ءدىني اعىم وكىلى 4 جىلعا سوتتالعانىن حابارلاعان ەدىك.
اۆتور
بەك مۇستافا
