قىرعىز- تاجىك شەكاراسىندا تاعى دا اتىس بولىپ، 1 ادام زارداپ شەكتى

None
None
نۇر- سۇلتان. كابار - حوۆار - قازاقپارات - قىرعىز- تاجىك شەكاراسىندا تاعى دا اتىس بولدى. بۇل وقيعاعا ەكى ەلدىڭ رەسمي ورىندارى تۇسىنىك بەردى، دەپ حابارلايدى قازاقپارات.

قىرعىزستاندىق كابار اگەنتتىگىنىڭ حابارلاۋىنشا، وقيعا بۇگىن تاڭعى ساعات 6-7 شاماسىندا باتكەن وبلىسى بۇلاق- باسى ەلدى مەكەنىندە بولعان. تاجىكستان تارابى قىرعىزدارعا گراناتومەت پەني مينومەت قولدانعان. قازىرگى كەزدە جاعداي ءبىرشاما تۇراقتانعانمەن شەكاراداعى ماسەلە كۇردەلى بولىپ قالۋدا. تاجىكستان مەن قىرعىزستان ءبىرقاتار شەشىم قابىلداعان. ال تاجىكستاننىڭ مەملەكەتتىك حوۆار اگەنتتىگى تاراتقان مالىمەت بويىنشا، شەكاراداعى «كەح» بەكەتىندە قارۋلى اتىس بولعان. ونىڭ سالدارىنان تاجىكستان شەكارا قىزمەتىنىڭ كومانديرى جاراقات الىپ، اۋرۋحاناعا جەتكىزىلگەن. ونىڭ جاعدايى اۋىر دەپ باعالانىپ وتىر.

وسى وقيعاعا وراي تاجىكستاننىڭ سىرتقى ىستەر مينيسترلىگى ارنايى مالىمدەمە تاراتتى. بۇدان بۇرىن حابارلاعانىمىزداي، بيىلعى قاڭتار ايىندا تاجىكستان مەن قىرعىزستان شەكاراسىندا قاقتىعىس بولىپ، ەكى ەلدىڭ اسكەري قىزمەتشىلەرى باتكەن اۋدانىنا قاراستى ءتورت- كوچو دەگەن جەردە ءبىر- بىرىنە وق جاۋدىردى. قازاقپارات ءتىلشىسى تاجىك- قىرعىز شەكاراسىنداعى جانجالدىڭ قالاي ۋشىققانى تۋرالى جان- جاقتى اقپارات بەرگەن بولاتىن.

سوڭعى جاڭالىقتار