بيۋدجەت قىزمەتكەرلەرىنىڭ جالاقىسى 1-قاڭتاردان باستاپ وسەدى

نۇر-سۇلتان. قازاقپارات - ق ر ۇكىمەتى ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە ەڭبەكاقى تولەۋ جۇيەسىنە وزگەرىستەر ەنگىزىلۋ تۋرالى قاۋلىنى قابىلدادى، دەپ حابارلايدى قازاقپارات ءتىلشىسى.

قاۋلى بويىنشا، اتالعان سالا قىزمەتكەرلەرىنىڭ ەڭبەكاقى تاريفيندەگى مولشەرلەمەلەر بىلايشا وزگەرمەك:

1. جوعارى نەمەسە جوعارى وقۋ ورنىنان كەيىنگى ءبىلىم بەرۋ ۇيىمدارىن قوسپاعاندا، ءبىلىم بەرۋ ۇيىمدارىنىڭ پەداگوگتەرى ستاۆكالاردىڭ بەلگىلەنگەن مولشەرىنە تۇزەتۋ كوەففيتسيەنتىن قولدانا وتىرىپ ايقىندالادى: 2022 -جىلعى 1-قاڭتاردان باستاپ 1,75؛ 2023 -جىلعى 1-قاڭتاردان باستاپ 2 مولشەردە.

2. مەديتسينا جانە فارماتسيەۆتيكا قىزمەتكەرلەرىن قوسپاعاندا، مەملەكەتتىك ۇيىمداردىڭ: ستاتسيونارلىق جانە جارتىلاي ستاتسيونارلىق ۇلگىدەگى مەديتسينالىق- الەۋمەتتىك مەكەمەلەردىڭ، ۇيدە قىزمەت كورسەتۋ، ۋاقىتشا بولۋ ۇيىمدارىنىڭ، جۇمىسپەن قامتۋ ورتالىقتارىنىڭ باسقارۋشى، نەگىزگى پەرسونالدارىنىڭ قىزمەتكەرلەرى ستاۆكالاردىڭ بەلگىلەنگەن مولشەرىنە تۇزەتۋ كوەففيتسيەنتىن قولدانا وتىرىپ ايقىندالادى: 2022 -جىلعى 1-قاڭتاردان باستاپ 1,75؛ 2023 -جىلعى 1-قاڭتاردان باستاپ 2 مولشەردە.

3. مەديتسينا جانە فارماتسيەۆتيكا قىزمەتكەرلەرى ستاۆكالاردىڭ بەلگىلەنگەن مولشەرىنە تۇزەتۋ كوەففيتسيەنتىن قولدانا وتىرىپ ايقىندالادى: بىلىكتىلىگى جوعارى دەڭگەيدەگى ماماندار (ا بلوگىنىڭ باسقارۋشى پەرسونالى، ۆ1, ۆ2 بلوگىنىڭ نەگىزگى پەرسونالى): 2022 -جىلعى 1-قاڭتاردان باستاپ 2,63؛ 2023 -جىلعى 1-قاڭتاردان باستاپ 2,73 مولشەرىندە بەلگىلەنەدى.

4. ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە، قازىنالىق كاسىپورىنداردىڭ قىزمەتكەرلەرىنە: 2022 -جىلعى 1-قاڭتاردان باستاپ 1,23؛ 2023 -جىلعى 1-قاڭتاردان باستاپ 1,45؛ 2024 -جىلعى 1-قاڭتاردان باستاپ 1,71؛ 2025 -جىلعى 1-قاڭتاردان باستاپ 2 مولشەردە. قاۋلى 2022 -جىلدىڭ 1-قاڭتارىنان باستاپ كۇشىنە ەنەدى.

اۆتور: ەسىمجان ناقتىباي