جىل سايىن 1 مىڭنان استام دارىگەر شەتەلگە قونىس اۋدارادى – پرەزيدەنت
«بۇگىندە ەلىمىزدە مەديتسينا كادرلارى تاپشى. بۇل سالاعا 4 مىڭعا جۋىق قىزمەتكەر جەتىسپەيدى. وبلىس ورتالىقتارىندا، اسىرەسە اۋداندار مەن اۋىلداردا بىلىكتى دارىگەرلەر از. ويتكەنى، ايماقتاردا ولارعا قاجەتتى جاعداي جاسالماعان. ءوڭىر اكىمدەرى وسى ماسەلەمەن بەلسەندى تۇردە اينالىسۋعا ءتيىس. مەديتسينا قىزمەتكەرلەرىنىڭ الەۋمەتتىك جاعدايىن جاقسارتۋعا باسا ءمان بەرۋ قاجەت»، - دەدى مەملەكەت باسشىسى.
ق ر پرەزيدەنتى كادر تاپشىلىعىنىڭ تاعى ءبىر سەبەبى - مامانداردىڭ شەتەلگە كەتۋى ەكەندىگىن باسا اتاپ ءوتتى.
«جىل سايىن جوعارى مەديتسينالىق ءبىلىمى بار مىڭنان استام ازامات وزگە ەلگە قونىس اۋدارۋدا. ال شەتەلدە وقىعان ءوز مامانىمىز وقۋىن قازاقستاندا جالعاستىرامىن دەسە الدىنان ءتۇرلى كەدەرگى شىعادى. ولار كلينيكالىق تاجىريبەدەن وتكىسى كەلسە دە قيىندىققا تاپ بولادى. ۇلى بريتانيا مەن ا ق ش- تىڭ ايگىلى جوعارى وقۋ ورىندارىندا ءبىلىم العان جاستارىمىز از ەمەس. سولاردىڭ ءبىرقاتارى ەلگە ورالعان سوڭ ماماندىعى بويىنشا جۇمىسقا تۇرا الماعانى تۋرالى مالىمەتتەر دە بار. بۇل - دۇرىس ەمەس. ەكونوميكالىق ىنتىماقتاستىق جانە دامۋ ۇيىمىنا مۇشە ەلدەردىڭ بەلدى وقۋ ورىندارىندا مەديتسينالىق ءبىلىم العان ازاماتتارىمىزعا ەش كەدەرگى بولماۋى كەرەك. ولاردىڭ دارىگەر بولىپ جۇمىس ىستەۋىنە رۇقسات بەرۋ ءۇشىن نورماتيۆتىك- قۇقىقتىق اكتىلەرگە وزگەرىس ەنگىزۋ قاجەت»، - دەدى قاسىم- جومارت توقايەۆ.
دەنساۋلىق ساقتاۋ جۇيەسىنە قاجەت تەحنيكالىق كادرلاردى دايارلاۋ ءىسىن قولعا العا ءجون.
«بىزدە جوعارى تەحنولوگيالى مەديتسينالىق قۇرال- جابدىقتىڭ قىر- سىرىن بىلەتىن بىلىكتى مامان تاپشى. بۇل ماسەلەنى ۇلتتىق كەڭەستىڭ مۇشەسى تاتتىگۇل تالايەۆا كوتەرگەن بولاتىن. دەنساۋلىق ساقتاۋ جۇيەسىنە قاجەت تەحنيكالىق كادرلاردى دايارلاۋ ءىسىن قولعا العا ءجون. مامانداردى، اسىرەسە بيوينجەنەردى وقىتۋعا مەديتسينالىق تەحنيكا شىعاراتىن كومپانيالاردى بارىنشا تارتۋ كەرەك. مەديتسينالىق قۇرال- جابدىقتاردى كۇتىپ ۇستاۋ اسا ماڭىزدى. بۇل جۇمىسپەن كەشەندى تۇردە اينالىسۋ قاجەت. ۇكىمەتكە مەديتسينالىق تەحنيكانى جوندەپ، ونىڭ دۇرىس جۇمىس ىستەۋىن قامتاماسىز ەتۋ ماسەلەسىن جان- جاقتى قاراستىرۋدى تاپسىرامىن. بۇل سالاداعى جۇمىس جۇيەلەنسە، بيۋدجەت شىعىنى ازايادى»، - دەدى مەملەكەت باسشىسى.
ق ر پرەزيدەنتىنىڭ اتاپ وتۋىنشە، دەنساۋلىق ساقتاۋ مەكەمەلەرىندەگى تەحنيكا بۇزىلىپ، بوسقا تۇرماۋى قاجەت.
«جالپى، ءبىلىم ساپاسى جاقسارسا، تۇتاس ۇلتتىڭ باسەگە قابىلەتى ارتادى. وسى سالاعا سالىنعان ينۆەستيتسيا بولاشاقتا ەسەلەپ قايتادى. جاستاردىڭ تابىسقا جەتۋىنە جانە ەل يگىلىگى ءۇشىن ەڭبەك ەتۋىنە جول اشىلادى»، - دەدى قاسىم- جومارت توقايەۆ.
اۆتور: مارلان جيەمباي
