1- شىلدەدەن باستاپ ەلىمىزدە قانداي وزگەرىستەر بولادى
1 -شىلدەدەن جاڭا اكىمشىلىك راسىمدىك- پروتسەستىك كودەكستىڭ باستى نورمالارى كۇشىنە ەنەدى. بىرىنشىدەن، «ە- ءوتىنىش» اقپاراتتىق جۇيەسى ارقىلى وتىنىشتەر قابىلدايتىن ءبىرىڭعاي ارنا ىسكە قوسىلادى. ءتىپتى، «قازپوشتامەن» قاعاز جۇزىندە جولدانعان وتىنىشتەردىڭ ءوزى سيفرلىق فورماتقا اۋىستىرىلىپ، ەلەكتروندى تۇردە تىركەلەدى. وسىلايشا، «ە- ءوتىنىش» جۇيەسى وتىنىشتەردى قاراۋدىڭ بۇكىل تاريحى ساقتالاتىن ءبىرتۇتاس بازاعا اينالادى. بۇل بارلىق مەملەكەتتىك جانە سوت ورگاندارىنا، سونىمەن قاتار ءوتىنىش بەرۋشىلەرگە قولجەتىمدى جۇيە بولادى.
ەكىنشىدەن، مەملەكەتتىك ورگاندار وتىنىشتەردى بۇرىنعى قابىلدانعان شەشىمدەر مەن بەرىلگەن جاۋاپتاردى ەسكەرە وتىرىپ قارايدى. ۇشىنشىدەن، ءاربىر قارالعان ارىز- وتىنىشكە مەملەكەتتىك ورگاندا اكىمشىلىك ءىس اشىلادى. ونىڭ تالاپتارى مەن شارتتارى كودەكستە ناقتى كورسەتىلگەن. ەگەر ارىز يەسىنىڭ تالابى قاناعاتتاندىرىلمايتىن بولسا، وندا مەملەكەتتىك ورگان مىندەتتى تۇردە ارىز يەسىن قابىلداپ، وعان تۇسىنىكتەمە بەرەدى نەمەسە زاڭداردا كورسەتىلگەن شەشۋ جولدارىن تۇسىندىرەدى. ارىز يەسى ول جاۋاپقا دا قاناعاتتانباسا، مەملەكەتتىك ورگاننىڭ نەمەسە مەملەكەتتىك قىزمەتكەردىڭ ۇستىنەن سوتقا شاعىمدانۋعا قۇقىلى. تورتىنشىدەن، جاڭا ءتاسىلدىڭ قازىرگى جۇيەدەن ەرەكشەلىگى - ەندى مەملەكەتتىك ورگاننىڭ جاۋابىنا شاعىمدانۋ جاڭا تاسىلمەن جۇرەدى، بەرىلگەن جاۋاپتىڭ نەمەسە شەشىمنىڭ دۇرىستىعىن جاۋاپتى مەملەكەتتىك ورگان دالەلدەيتىن بولادى. ياعني ارىز يەسى تەك تالاپ- ارىزىن عانا سوتقا جەتكىزەدى.
1- شىلدەدەن باستاپ «تەحنيكالىق رەتتەۋ تۋرالى» زاڭنىڭ جاڭا رەداكسياسى قولدانىسقا ەنگىزىلەدى. «تەحنيكالىق رەتتەۋ تۋرالى» زاڭنىڭ جاڭا رەداكسياسىن تۇسىندىرگەن ماماننىڭ ايتۋىنشا، سۋبەكتىلەردى باقىلاۋدان وبەكتىلەردى باقىلاۋعا كوشۋ جاڭاشىلدىق بولاماق. ەندى ءوندىرۋشى نەمەسە ساتۋشى ەمەس، ءونىمنىڭ ءوزى تەكسەرىلەدى. بۇل ءۇشىن زەرتحانالىق سىناقتار جۇرگىزۋ ماقساتىندا قاۋىپسىز ەمەس ءونىمنىڭ ۇلگىلەرىن ىرىكتەۋ ءراسىمى ەنگىزىلەدى. زاڭ 1-شىلدەدەن باستاپ كۇشىنە ەنەدى.
1-شىلدەدەن باستاپ ۆاكسينا تۋرالى اقپارات «Ashyq» جوباسىنا ەنگىزىلمەك. ەگەر ادام كوروناۆيرۋستىڭ پ ت ر سىناعىنان ءوتىپ، وڭ ناتيجە السا، «قىزىل» ستاتۋس بەرىلەدى. مۇنداي ستاتۋس يەلەرىنە ۇيدە وقشاۋلانۋ رەجيمىن قاتاڭ ساقتاۋ قاجەت.
«سارى» بەلگى ينفەكتسيا جۇقتىرعان ادامدارمەن بايلانىسقا تۇسكەن ادامدارعا تاعايىندالادى. ولارعا ازىق- تۇلىك الۋعا نەمەسە ءۇي جانىنداعى ءدارىحاناعا شىعۋعا رۇقسات بار. ءبىراق باسقا قوعامدىق ورىندارعا بارۋعا تىيىم سالىنعان.
«كوك» ءتۇس – پ ت ر تەست تالاپ ەتىلمەيتىن جەرلەردە ەركىن جۇرەدى. «جاسىل» ءتۇس - ەركىن جۇرە الاتىن ادام. سونداي- اق، 1-شىلدەدەن باستاپ قوسىمشا ارقىلى ادامنىڭ ۆاكسينا قابىلداعان- قابىلداماعانى دا كورىنەدى.
