بريۋسسەلدە 1- ساۋىردەگى فەستيۆالگە جينالعانداردى پوليتسيا سۋاتقىش قولدانىپ تاراتتى

بريۋسسەل. قازاقپارات - بەيسەنبى كەشكە بريۋسسەل پوليتسياسى بۋا-دە-لا-كامبر ساياباعىنداعى اكسياعا جينالعانداردى كۇشپەن تاراتتى، دەپ حابارلايدى قازاقپاراتتىڭ مەنشىكتى ءتىلشىسى.

قازىرگى كەزدە بەلگيانىڭ جوعارى وقۋ ورىندارىنىڭ ستۋدەنتتەرى كوكتەمگى دەمالىستا. سول سەبەپتى جاستار ساياباق مەن الاڭدارعا بارادى.

ويتكەنى، قالادا كافە، رەستوران جانە قوعامدىق-مادەني ورىندار جابىق. الەۋمەتتىك جەلىدە «1- ءساۋىر كۇنى «La Boom» فەستيۆالىن وتكىزىلەتىنى جونىندە حابار تارالعان. ناتيجەسىندە بەلگيالىقتار اراسىندا تانىمال بۋا-دە-لا-كامبر ساياباعىنا 1500 نان 2000 عا دەيىن ادام جينالعان، ولاردىڭ باسىم بولىگى - جاستار. بريۋسسەل مەرى فيليپپ كلوۋز تۋيتتەردە ادامداردىڭ «تازا اۋا جۇتقىسى» كەلەتىنىن تۇسىنەتىنىن جازدى، الايدا، دارىگەرلەر پاندەميامەن كۇرەسىپ جاتقان جەرگىلىكتى اۋرۋحانالارداعى اۋىر جاعدايعا قاراپ، بيلىكتىڭ بۇنداي جيىنداردى قۇپتامايتىنىن جەتكىزدى.

كەشكى ساعات 18:00 دە پوليتسيا جينالعانداردى تاراتۋعا كىرىستى. نارازىلىق بىلدىرگەندەر جاعىنان دا، پوليتسيا جاعىنان دا بىرنەشە ادام جاراقات الدى.

اتتى پوليتسيا ب ا ق اراسىنداعى ادامداردى قۋىپ شىعىپ، ساعات 21:00 دە ءتارتىپ ورنادى.

ەسكە سالا كەتەيىك، بەلگيادا كەشكى ساعات 22 دەن تاڭعى 6 عا دەيىن كومەندات ساعات جاريالانعان.