امەريكالىق ساراپشىلار قاسىم- جومارت توقايەۆتىڭ پرەزيدەنت لاۋازىمداعى 1 جىلدىق قىزمەتىنە باعا بەردى
اتاپ ايتقاندا، حالىقارالىق سالىق جانە ينۆەستيتسيالار ورتالىعىنىڭ ورتالىعىنىڭ پرەزيدەنتى دانيەل ۆيتت مەملەكەت باسشىسى قاسىم- جومارت توقايەۆ پەن قازاقستان حالقىن ەكىنشى ەل پرەزيدەنت سايلاۋىنىڭ 1 جىلدىعىمەن قۇتتىقتادى.
«مەن ءۇشىن وسىناۋ تاريحي سايلاۋعا تاۋەلسىز بايقاۋشى رەتىندە قاتىسۋ زور مارتە ءارى ۇلكەن جاۋاپكەرشىلىك بولدى. بۇل سىزدەردىڭ رەسپۋبليكالارىڭىزدىڭ دەموكراتيا جانە ساياسي تۇرلەنۋ جولىنداعى تاعى ءبىر قادامى ەدى. سىزدەردىڭ ساياسي جانە مەملەكەتتىك باسقارۋ جۇيەدەگى رەفورمالارىڭىز قازاقستاندىعى دەموكرتاتيا بولاشاعى قۇرىلىسىنىڭ كىرپىشى سانالادى»، - دەدى ول.
امەريكالىق تاريحشى، ەكونوميست، حالىقارالىق قاتىناستار جانە اسكەري ستراتەگياجونىندەگى مامان ەدۆارد ليۋتتۆاك قاسىم- جومارت كەمەل ۇلىنا جوعارى ءبىلىمدى، ەڭبەكقور، ءادىل، ساياساتكەر رەتىندەگى مانساب جولىن ءوزى قالىپتاستىرعان ساياسي تۇلعا دەپ باعا بەرەدى. «پرەزيدەنت توقايەۆتى ۇلى مادەنيەتتى ادامى رەتىندە قۇتتىقتايتىندىعىما قۋانىشتىمىن»، - دەدى امەريكالىق تاريحشى.
امەريكالىق ساياساتتانۋشى ءارى جۋرناليست، قاۋىپسىزدىك سالاسىنداعى حالىقارالىق قاتىناستار بويىنشا مامان اريەل كوەندا قازاقستان پرەزيدەنتىنىڭ 1 جىلدا اتقارعان جۇمىستارىنا جوعارى باعا بەرەدى.
«مەملەكەت باسشىسى قاسىم- جومارت توقايەۆ COVID پەن ەكونوميكالىق داعدارىس پروبلەماعا تولى داۋىردە بۇرىنعى پرەزيدەنت نەگىزىن قالاعان ەڭ ماڭىزدى بيلىك ترانزيتىن تابىستى جۇزەگە اسىرىپ وتىر. مەملەكەت دامۋىنىڭ جاڭا ۆەكتورى قوعام يدەولوگياسىمەن، پىكىر الۋاندىعىمەن جانە كوزاراس سان تۇرلىگىمەن استاسىپ جاتىر. ەلگە مەملەكەتتىكتىڭ بارلىق مۇراسىن جەتە تۇسىنەتىن، قازاقستاندا ودان ارى دامىتۋدا تۇبەگەيلى پايىمى بار كوشباسشى باسقارىپ وتىر»، دەدى ول.
ورتالىق ازيا جانە كاۆكاز ينستيتۋتىنىڭ نەگىزىن قالاۋشى جانە ءتوراعاسى، ا ق ش- تىڭ ءۇش پرەزيدەنتىنىڭ رەسەي جانە ەۋرازيا بويىنشا كەڭەسشىسى بولعان فرەدەريك ستارر قازاقستان پرەزيدەنتىنە ستراتەگيالىق ويشىل دەگەن باعا بەرەدى.
«پرەزيدەنت توقايەۆ ءتيىمدى مەملەكەت جايىندا ءسوز قوزعاپ، ءوزىسىن ءادىل ءارى دۇرىس اتقارىپ جاتىر. وتە تاجىريبەلى، ءتىلدى جەتىك بىلەدى جانە شەتەلدەگى ادامداردى تانيدى. ول اقىلعا قونىمسىز جوبالارعا ۇمتىلمايدى، ول ستراتەگيالىق ويشىل. ول وزەلىنىڭ مۇددەسىن نىق قورعايدى. ول قازاقستان ەگەمەندىگىن قۇرمەتتەيدى، باعالايدى جانە قادىر تۇتادى، ونىڭ ورتالىق ازياداعى وتە ماڭىزدى ءرولىن تۇسىنەدى. مەملەكەت باسشىسىنىڭ ۇزاق جىلدار بويى باقىتتى، تابىستى ءارى ءونىمدى ەل باسقارۋىنا تىلەكتەسپىن»، - دەدى ول.
اۆتور: مارلان جيەمباي
