ەلورداداعى بالاباقشالار 1-ماۋسىمنان جۇمىسىن شتاتتىق رەجيمدە باستايدى

نۇر- سۇلتان. قازاقپارات – 18- مامىردان ەلورداداعى وڭالتۋ ورتالىقتارىنىڭ جۇمىسىن باستاۋى جوسپارلانىپ وتىر. بۇل تۋرالى نۇر- سۇلتان قالالىق ءبىلىم باسقارماسىنىڭ باسشىسى شولپان قادىروۆا ءمالىم ەتتى، دەپ حابارلايدى قازاقپارات ءتىلشىسى.

«1-ماۋسىمنان بارلىق مەكتەپكە دەيىنگى ۇيىمداردىڭ جۇمىسىن شتاتتىق رەجيمدە قايتا باستاۋ جوسپارلانۋدا. سونداي- اق ارنايى ۇيىمدار، پسيحولوگيالىق- مەديتسينالىق ءارى پەداگوگيكالىق كونسۋلتاتسيالار، پسيحولوگيالىق- پەداگوگيكالىق تۇزەۋ كابينەتتەرى، وڭالتۋ ورتالىقتارى 18- مامىردان جۇمىسىن باستاۋعا دايىن. ەرەكشە ءبىلىمدى قاجەت ەتەتىن ءار بالامەن جەكە جۇمىستار جۇرگىزىلەدى»، - دەدى ش. قادىروۆا ونلاين باسپا ءسوز ءماسليحاتىندا.

وسى ورايدا ول تۋىنداعان سۇراقتار بويىنشا اتا- انالار ءبىلىم باسقارماسىنىڭ كولل- ورتالىعىنا حابارلاسا الاتىنىن اتاپ ءوتتى. بۇدان بۇرىن حابارلانعانداي، بيىل 18-مامىردان باستاپ مەنشىك نىسانىنا قاراماستان مەكتەپكە دەيىنگى بارلىق ءبىلىم بەرۋ مەكەمەلەرى كەزەكشى توپ رەجيمىندە جۇمىستارىن باستاۋعا دايىن.

«بالاباقشالار سانيتارلىق- دەزينفەكتسيالىق نورمالاردى قاتاڭ ساقتاي وتىرىپ، بالانى ۇيدە قالدىرۋعا مۇمكىندىگى جوق جۇمىس ىستەيتىن اتا- انالار ءۇشىن، ودان كەيىن عانا باسقا اتا- انالاردىڭ قالاۋى بويىنشا بالالاردى قابىلدايدى. ءاربىر مەكتەپكە دەيىنگى ۇيىمداردىڭ كەزەكشى توپتارىندا بالا سانى 15تەن اسپاۋى ءتيىس. ەگەر بالاباقشاعا كەلمەگەن جاعدايدا، بالانىڭ ورنى ساقتالادى»، - دەدى ش. قادىروۆا.