ماقتاارالدا ەۆاكۋتسيالانعان ءار وتباسىنا 1 مىڭ ا ق ش دوللارىنان بەرىلە باستادى
توتەنشە جاعداي كەزىندە ەۆاكۋاتسيالانعان 5202 وتباسىنىڭ جەكە شوتىنا 1 مىڭ ا ق ش دوللارىنان اۋدارىلۋدا، دەپ حابارلايدى قازاقپارات ءتىلشىسى.
بۇگىندە ەۆاكۋاتسيالانعان ماقتاارالدىقتاردىڭ العاشقى لەگى قاراجاتىنىڭ سەرتيفيكاتىن الدى. اۋداندا قاراجات الاتىن بارلىق ازاماتتىڭ قۇجاتى قابىلدانىپ جاتىر. قۇجاتتار تولىق جينالعان كەزدە ءاربىر وتباسى وزىنە تيەسىلى قارجىعا قول جەتكىزبەك.
«مەملەكەت باسشىسىنىڭ تاپسىرماسىمەن تاسقىن بولعان اۋىلدارداعى 6100 ادامعا 100 مىڭ تەڭگەدەن بەرىپ جاتىرمىز. توتەنشە جاعداي كەزىندە تەك سۋ باسقان اۋىلدار ەمەس، قاۋىپ تونگەن ەلدىمەكەن تۇرعىندارى دا كوشىرىلدى. ەندىگى كەزدە الىشەر ۋسمانوۆتىڭ قورىنان بولىنگەن 2,3 ميلليارد تەڭگە ەۆاكۋاتسيالانعان 5202 وتباسىنا 422 مىڭ تەڭگەدەن (1000 ا ق ش دوللارى) ۇلەستىرىلەدى. بۇل وتباسىلاردا 30420 ادام بار»، - دەدى وبلىس اكىمى ءومىرزاق شوكەيەۆ.
ايتا كەتەيىك، بۇعان دەيىن رەسەيلىك كاسىپكەر الىشەر ۋسمانوۆ سۋ تاسقىنىنان زارداپ شەككەن ماقتاارال اۋدانىنىڭ ەۆاكۋاتسيالانعان تۇرعىندارى ءۇشىن «تۇركىستان» الەۋمەتتىك دامۋ كورپوراتيۆتىك قورىنا 5,2 ميلليون ا ق ش دوللارىن اۋدارعان بولاتىن.
