قازاقستان قاۋىپسىز ەلدەر رەيتينگىندە ت م د بويىنشا 1-ورىندا تۇر
دۇنيەجۇزىلىك بانكتىڭ باعالاۋىنشا، 2019 جىلى الەمدىك ەكونوميكا %2,4 دەيىن باياۋلاعان، ونىڭ باستى سەبەپتەرى - ەلدەر اراسىنداعى ساۋدا سوعىستارى، الەمدەگى گەوساياسي جاعداي بولىپ وتىر.
سونىمەن بىرگە، سىرتقى ساياسي شيەلەنىس ەلدەردىڭ ينۆەستيتسيالىق بەلسەندىلىگىنە ايتارلىقتاي اسەر ەتتى. 2019-جىلى تىكەلەي شەتەلدىك ينۆەستيتسيالاردىڭ جاھاندىق اعىنى تومەندەگەن. ە ى د ۇ مالىمەتتەرى بويىنشا، 2019-جىلدىڭ العاشقى جارتىسىندا تىكەلەي شەتەلدىك ينۆەستيتسيالاردىڭ عالامدىق اعىنى %20 نەمەسە 572 ميلليارد دوللارعا دەيىن ازايعان.
مەملەكەتتەگى بەيبىت احۋال جانە باسقا ەلدەرمەن قارىم-قاتىناس ەكونوميكانىڭ جانە تۇتاستاي ەلدىڭ دامۋىندا ماڭىزدى ءرول اتقارادى. الەمدىك بەيبىتشىلىك يندەكسىنە سايكەس، يسلانديا، جاڭا زەلانديا، پورتۋگاليا، اۆستريا جانە دانيا ءومىر سۇرۋگە ەڭ قاۋىپسىز ەلدەر اتاندى. سونىمەن قاتار، العاشقى وندىققا كانادا، سينگاپۋر، سلوۆەنيا، جاپونيا جانە چەحيا كىرەدى. جالپى، رەيتينگكە 163 ەل ەنگەن.
يندەكس ەلدەگى زورلىق-زومبىلىق دەڭگەيى مەن قىلمىس سىندى ىشكى فاكتورلاردى جانە حالىقارالىق قاتىناستارى، اسكەري شىعىندار سەكىلدى سىرتقى فاكتورلاردى ەسكەرەدى. جالپى، ءومىر ءسۇرۋ قاۋىپسىزدىگى دەڭگەيى 23 ينديكاتور بويىنشا باعالانادى.
ءومىر ءسۇرۋ ءۇشىن ەڭ قاۋىپتى ەلدەر قاتارىنا اۋعانستان، سيريا، وڭتۇستىك سۋدان، يەمەن جانە يراك ەنىپ وتىر. ايتا كەتكەن ءجون، رەسەي ەڭ قاۋىپتى ون ەلدىڭ قاتارىنا كىرەدى.
قازاقستان قاۋىپسىزدىك دەڭگەيى جوعارى ەلدەر تىزىمىنە ەنىپ، بۇل رەيتينگتە 64-ورىنعا تۇراقتادى. سونىمەن بىرگە، قازاقستان زەرتتەۋ جۇرگىزۋدە ت م د- عا كىرەتىن نەمەسە بۇرىن بولعان 12 مەملەكەت اراسىندا ءبىرىنشى ورىنعا يە بولدى. مۇنداي باعالاۋ، كوپتەگەن باسقا فاكتورلارمەن قاتار، ەلدى ينۆەستورلار ءۇشىن تارتىمدى ەتەدى جانە ايماقتاعى باسەكەگە قابىلەتتىلىكتى ارتتىرادى.
