قازاقستانداعى پرەزيدەنت سايلاۋىنا 1 مىڭنان استام شەتەلدىك بايقاۋشى كەلەدى

None
None
نۇر- سۇلتان. قازاقپارات - ق ر ورتالىق سايلاۋ كوميسسياسى اعىمداعى جىلدىڭ 9 - ماۋسىمىندا وتەتىن كەزەكتەن تىس پرەزيدەنت سايلاۋىنا 1 مىڭنان استام شەتەلدىك بايقاۋشىنىڭ كەلەتىندىگىن بولجاپ وتىر، دەپ حابارلايدى قازاقپارات ءتىلشىسى.

«قازىرگى ۋاقىتتا قانشا حالىقارالىق بايقاۋشى بولاتىندىعىن تەك قانا بولجاي الامىز. ول الداعى ۋاقىتتا بەلگىلى بولادى. ماسەلەن وتكەن سايلاۋلاردا  1024-تەن باستاپ 1633-كە دەيىن بايقاۋشى تىركەلگەن. وسى جولعى سايلاۋدا دا وسى مولشەردە، ءبىر مىڭنان استام حالىقارالىق بايقاۋشى بولادى دەپ ويلايمىز» - دەدى و س ك مۇشەسى زاۋرەش بيمولدينا بۇگىن اتالعان كوميسسيانىڭ وتىرىسىنان كەيىنگى باسپا ءسوز ءماسليحاتىندا.

 وسى رەتتە و س ك ءتوراعاسى بەرىك يماشيەۆ 2015 -جىلى وتكەن پرەزيدەنت سايلاۋىندا قانداي حالىقارالىق ۇيىمداردان قانشا بايقاۋشى كەلگەندىگىن ايتىپ بەردى.

 «ە ق ى ۇ  د ي ا ق ب ميسسياسىنان - 291، ت م د بايقاۋشىلارى ميسسياسىنان - 410، ش ى ۇ ميسسياسىنان 10 جانە باسقا دا ۇيىمداردان 99 بايقاۋشى كەلدى. مۇنان بولەك ەلىمىزدىڭ سىرتقى ىستەر مينيسترلىگىندە اككرەديتتەلگەن باق بولدى. ولار - 168 ادام»، - دەپ ناقتىلادى بەرىك يماشيەۆ.

 ال و س ك مۇشەسى باقىت مەلدەشوۆ جاقىن كۇندەرى ەلىمىزدىڭ سىرتقى ىستەر مينيسترلىگىنە شەتەلدىك بايقاۋشىلاردى اككرەديتتەۋ تۋرالى ارنايى حات جىبەرىلەتىندىگىن اتاپ ءوتتى.

اۆتور: مارلان جيەمباي

سوڭعى جاڭالىقتار