قازاقستاندا ينفورماتيكا 1- سىنىپتان باستاپ وقىتىلۋى مۇمكىن

استانا. قازاقپارات - قازاقستاندا ينفورماتيكا ءپانى 1- سىنىپتان باستاپ وقىتىلۋى مۇمكىن. بۇل تۋرالى بۇگىن «Digital Bridge» حالىقارالىق يننوۆاتسيالىق فورۋمدا ق ر پرەمەر-ءمينيسترى باقىتجان ساعىنتايەۆ ايتتى، دەپ حابارلايدى قازاقپارات ءتىلشىسى.

فورۋمنىڭ سيفرلىق ەكونوميكانى دامىتۋدىڭ جاھاندىق ترەندتەرى تالقىلانعان جالپى وتىرىسىندا ەستونيا پرەمەر-ءمينيسترى يۋري راتاس ءوز ەلىندە روبوتوتەحنيكا 1- سىنىپتان باستاپ بالالارعا وقىتىلاتىندىعىن اتاپ ءوتتى.

«مەنىڭشە، ءبىلىم بەرۋ بۇل يننوۆاتسيانىڭ بارىنشا ماڭىزدى ەلەمەنتى سانالادى. ماسەلەن، ەستونيادا ءبىزدىڭ بالالارىمىز ءبىرىنشى سىنىپتان باستاپ روبوتوتەحنيكانى وقيدى. بۇل وتە تانىمال ءپان»، - دەدى يۋري راتاس.

ءوز كەزەگىندە ق ر پرەمەر-ءمينيسترى باقىتجان ساعىنتايەۆ ەستونيانىڭ مۇنداي تاجىريبەسىنە قىزىعۋشىلىق تانىتتى.

«ەستونيادا ءبىرىنشى سىنىپتان باستاپ روبوتوتەحنيكانى وقىتۋى وتە كەرەمەت. ءبىز ينفورماتيكانى 7- سىنىپتان باستاپ وقىتتىق. بارلىق ۋاقىتتا 7- سىنىپ وقۋشىسى وقىتۋشىسىنان كوپ بىلەتىندىگىن ايتىپ كەلەمىن. ءبىز باعدارلامانى وزگەرتتىك جانە بۇگىندە ينفورماتيكا ءۇشىنشى سىنىپتان وقىتىلادى. قازىر ەستونيا پرەمەر-ءمينيسترىنىڭ سوزىنەن كەيىن بىزدە ويلاناتىن بولامىز، 3-سىنىپ تا كەشتەۋ سياقتى»، - دەدى ق ر ۇكىمەت باسشىسى.

ايتا كەتەيىك، فورۋمنىڭ سيفرلىق ەكونوميكانى دامىتۋدىڭ جاھاندىق ترەندتەرى تالقىلانعان جالپى وتىرىسىنا قاتىسقان پرەمەر-مينيستر «Digital Bridge» ۇلكەن بايلانىستار جاسالاتىن الاڭعا اينالاتىندىعىن، قازاقستان تەك قانا سيفرلىق كۇن تارتىپپەن ءومىر ءسۇرىپ جاتقانىن ايتقان ەدى.

Digital Bridge - قازاقستانداعى بيىلعى جىلى ءوتىپ وتىرعان باستى يننوۆاتسيالىق وقيعا.