00:06, 21 - اقپان 2018 | GMT +5
استانانىڭ بوتانيكالىق باعى 1 - شىلدەدە تانىستىرىلادى
استانا. قازاقپارات - استاناداعى بوتانيكالىق باقتىڭ تانىستىرىلىمىن 1 - شىلدەدە وتكىزۋ جوسپارلانىپ وتىر، دەپ حابارلايدى قازاقپارات ەلوردا. ينفوعا سىلتەمە.
«1 - شىلدەدە استانادا بوتانيكالىق باقتىڭ تۇساۋكەسەرى وتەدى. جۇمىس 75 پايىز ىستەلدى. جاقىن ارادا استانالىقتار ونى ءبىرىنشى بولىپ كورە الادى»، - دەپ جازادى «ۆەچەرنيايا استانا» گازەتى.
ايتا كەتەيىك، ەلورداداعى بوتانيكالىق باقتىڭ قۇرىلىسى 2012 -جىلى ءساۋىر ايىندا باستالعان بولاتىن. جالپى قالالىق سەنبىلىكتە قازاقستان پرەزيدەنتى باقتىڭ قۇرىلىسى جۇرەتىن اۋماققا ەمەن اعاشىن وتىرعىزىپ، دەندراريي قۇرىلىسىن باستاپ بەرگەن بولاتىن.
باستاپقى جوسپار بويىنشا بوتانيكالىق باقتىڭ قۇرىلىسى ەكسپو كورمەسىنە دەيىن اياقتالادى دەپ جوسپارلانعان بولاتىن. الايدا قۇرىلىس جوسپارىنا ەنگىزىلگەن ءبىرقاتار وزگەرىستەردەن كەيىن قۇرىلىستىڭ اياقتالۋ مەرزىمى دە كەيىنگە شەگەرىلدى.
