ق ر مادەنيەت جانە سپورت مينيسترلىگى مەن «1- كانال» ماسكەۋدە ىنتىماقتاستىق جونىندە كەلىسىم جاسادى - فوتو

ماسكەۋ. قازاقپارات - ق ر مادەنيەت جانە سپورت مينيسترلىگى مەن «پەرۆىي كانال» ا ق كينو يندۋسترياسىن جانە تەلەۆيدەنيە سالاسىن دامىتۋ بويىنشا ىنتىماقتاستىق جونىندەگى كەلىسىم جاساستى.

قۇجاتقا ق ر مادەنيەت جانە سپورت ءمينيسترى ارىستانبەك مۇحامەدي ۇلى مەن «پەرۆىي كانال» ا ق باس ديرەكتورى كونستانتين ەرنست قول قويدى، دەپ حابارلايدى «قازاقپارات» ح ا ا مەنشىكتى ءتىلشىسى.

قازاقستاندىق جۋرناليستەرگە بەرگەن سۇحباتىندا ك. ەرنست، قول جەتكەن ىنتىماقتاستىق كەلىسىم اياسىنداعى العاشقى جوبا - ەكى سەريال ەكەندىگىن اتاپ ءوتتى.

 

«رەسەي مەن قازاقستان اراسىنداعى تەرەڭ دوستىق قارىم- قاتىناستى جالعاستىرا وتىرىپ، ءبىز ەكى جوبا ءوندىرىسى بويىنشا شارت جاساستىق. ءبىرىنشى سەريال كەڭەستىك كينەماتوگرافيانىڭ الماتىعا ەۆاكۋاتسياسىنا ارنالعان. وندا باستى كەيىپكەرلەر سەرگەي ەيزەنشتەين مەن وزگە دە اسا كورنەكتى كينەماتوگرافيستەر بولادى. ال ەكىنشى جوبا - استانا مەرەيتويى جونىندەگى وندىرىستىك سەريال»، - دەدى ك. ەرنست.

 

ءوز كەزەگىندە ق ر مادەنيەت جانە سپورت ءمينيسترى ا. مۇحامەدي ۇلى، «ەكى جاققا دا پەرسپەكتيۆالى جانە قىزىقتى كەلىسىمگە قول جەتكىزىلدى» - دەپ اتاپ ءوتتى.

 

«ەكىنشى دۇنيەجۇزىلىك سوعىس كەزەڭىندە كەڭەس وداعىنىڭ ىرگەلى كينوستۋدياسىنىڭ الماتىعا كوشىرىلۋىنە، الماتىدا اڭىزعا اينالعان بىرىككەن ورتالىق كينوستۋديانىڭ پايدا بولۋى تاريحىنا ارنالعان بۇل جوبانىڭ تانىمال بولاتىندىعىنا سەنەمىن. كينوونەرىن دامىتۋعا بەلسەندى قاتىسقان سەرگەي ەيزەنشتەين، ءماجيت بەگالين جانە وزگە دە ءبىزدىڭ مەترلەردىڭ شىعارماشىلىعى لايىقتى دا قىزىقتى كورسەتىلۋى ءتيىس»، - دەدى ا. مۇحامەدي ۇلى.

 

سونداي-اق، مينيستر قازاقستان ەلورداسىنىڭ 20 جىلدىق مەرەيتويىنا ارنالعان ەكىنشى سەريالدىڭ سيۋجەتتەرىنە بايلانىستى دا ايتا كەتتى.

«بۇل جاقسى مەلودراما بولادى. مىسالى، ءبىر وتباسىنىڭ سەلينوگرادتىڭ زاماناۋي جانە تاماشا ەلوردا - استاناعا اينالۋى جايىندا اڭگىمەلەۋى»، - دەگەن پىكىرىمەن ءبولىستى مينيستر.

سونداي-اق ول ەكى جوبانىڭ دا كينوپروكات جانە «پەرۆىي كانال» ەفيرى ارقىلى كەڭ اۋديتورياعا ارنالاتىندىعىن جەتكىزدى.