12:18, 12 - قازان 2017 | GMT +5
تەلەفون قۋاتتاعىشى سالدارىنان 1 جارىم جاستاعى ءسابيدىڭ اۋزى كۇيىپ قالدى
استانا. قازاقپارات - ا ق ش- تا كورتني دەۆيس ەسىمدى ايەل ءبىر جارىم جاستاعى قىزىنىڭ سمارتفون قۋاتتاعىشىنان كۇيىپ قالعانىن ايتتى.
ايتۋىنشا، قىزى تەلەفون قۋاتتاعىشىن اۋزىنا سالىپ ۇيىقتاپ قالعان. قۋاتتاعىش توققا قوسىلىپ تۇرعان. سونىڭ سالدارىنان بىرنەشە سەكۋند ىشىندە قىز بالانىڭ اۋزى كۇيىپ قالدى.
«قىزىم تەلەفون قۋاتتاعىشىن اۋزىنا سالىپ العان. مەن ونى ۇنەمى قاداعالاپ جۇرەتىنمىن. ءدال سول كۇنى جۇمىسىم كوبەيىپ قاراي الماي قالدىم»، - دەيدى اناسى.
بۇل جايلى وزگە اتا-انالارىعا ساباق بولۋى ءۇشىن ايتۋدا. ول جەلىدەگى جازباسىنىڭ سوڭىندا بالاسىنىڭ امان قالعانى ءۇشىن قۇدايعا شۇكىرشىلىك ايتتى.
