09:24, 12 - ناۋرىز 2017 | GMT +5
قىتاي ۇكىمەتى ب ۇ ۇ- عا گۋمانيتارلىق كومەك كورسەتۋ ءۇشىن 1 ميلليون دوللار ءبولدى
استانا. قازاقپارات - بىرىككەن ۇلتتار ۇيىمىنىڭ جوعارى كوميسسارىنىڭ بوسقىندار بويىنشا باسقارماسى بەيسەنبى كۇنى قىتاي ۇكىمەتىنەن 1 ميلليون ا ق ش دوللارى كولەمىندە قارجى الدى، دەپ حابارلايدى شينحۋا اگەنتتىگى.
بۇل اقشالاي قارجى اۋعاندىق بوسقىندارعا گۋمانيتارلىق كومەك كورسەتۋ ءۇشىن جۇمسالادى. ەسكە سالا كەتەيىك، بۇۇ باس حاتشىسىنىڭ گۋمانيتارلىق ماسەلەلەر جونىندەگى ورىنباسارى ستيۆەن و'برايەن قازىرگى تاڭدا 20 ملن- نان استام ادامعا اشارشىلىق قاۋىپى ءتونىپ تۇرعاندىعىن اتاپ وتكەن ەدى.
«ءبىز تاريحتىڭ ەڭ سىندارلى شاعىندا تۇرمىز. ءبىز جىلدىڭ باسىندا-اق حالىقارالىق ۇيىم تاريحىنداعى ەڭ العاشقى ءىرى داعدارىسپەن بەتپە-بەت كەلدىك. وسى ۋاقىتتا 4 مەملەكەتتەگى 20 ميلليوننان استام ادامعا اشارشىلىق ءقاۋىپى ءتونىپ تۇر. جاھاندىق دەڭگەيدەگى جاقسى ۇيلەستىرىلگەن ۇجىمدىق ارەكەت بولماسا، ادامدار اشتىقتان قىرىلىپ قالادى. امان قالعاندارى ءتۇرلى اۋرۋلار مەن قيىندىقتاردان زارداپ شەگەدى»، - دەدى و'برايەن.
