ءابىليازوۆتىڭ سىبايلاس جەمقورلىققا قارسى ۇلتتىق بيۋروسىنا ءوز ەركىمەن كەلۋىنە 1 كۇن قالدى
«تەرگەۋ بارىسىندا انىقتالعانداي، ءابىليازوۆ باعىنىشتى كومپانيالار ارقىلى ۇرلانعان اقشالارعا بانكتىڭ اكسيالارىن ساتىپ الۋ جولىمەن بانكتىڭ كاپيتالىن جاساندى تۇردە ۇلعايتىپ وتىرعان. بانكتىڭ كاپيتالىن ۇلعايتۋ ارقىلى ءابىليازوۆ ونى بارىنشا تارتىمدى ءارى قارجىلاي ءوسىمى بار رەتىندە كورسەتكەن. شەتەلدىك ينۆەستورلار مەن قازاقستان ازاماتتارى بانكتىڭ تۇراقتىلىعى مەن تابىستىلىعىنا سەنىم ارتىپ، وعان وزدەرىنىڭ قارجىسىن سالعان»، - دەپ حابارلادى ۇلتتىق بيۋرودان.
ماسەلەن، 2005-2008-جىلدارى ارالىعىندا حالىق دەپوزيتتەرىن جانە شەتەلدىك كرەديتورلاردى بارىنشا تارتۋ ەسەبىنەن بانك كاپيتالى 8 ەسە وسكەن.
ب ت ا بانكىنىڭ بۇرىنعى باسشىسى مۇحتار ءابىليازوۆ قازاقستاندا، رەسەيدە جانە ۋكراينادا بارلىعى 11- باپ بويىنشا ايىپتالدى. 2009-جىلدىڭ 6- ناۋرىزىندا ءابىليازوۆ حالىقارالىق ىزدەۋگە جاريالاندى.
سەبەبى وعان جانە ول باسشىلىق ەتكەن قىلمىستىق توپقا سەنىپ تاپسىرىلعان مۇلىكتى يەمدەنگەندىگى جانە تالان-تاراجعا سالعاندىعى، الداۋ جانە سەنىمگە قيانات كەلتىرۋ ارقىلى بوتەن مۇلىكتى ۇرلاعاندىعى، زاڭسىز جولمەن تابىلعان اقشا قاراجاتتارىن زاڭداستىرعاندىعى، بانك قاراجاتتارىن زاڭسىز پايدالانعاندىعى، وكىلەتتىكتى اسىرا پايدالانعاندىعى جانە قىلمىستىق توپقا باسشىلىق ەتكەندىگى بويىنشا (قازاقستان رەسپۋبليكاسى قىلمىستىق كودەكسىنىڭ 176-بابى 3-بولىگىنىڭ «ب» تارماعىمەن، 176-بابى 3-بولىگىنىڭ «ا»، «ب» تارماقتارى بويىنشا، 24-بابىنىڭ 3-بولىگىمەن، 177-بابى 3-بولىگىنىڭ «ا»، «ب» تارماقتارىمەن، 193-بابى 3-بولىگىنىڭ «ب»، «ۆ» تارماقتارىمەن، 220-بابىنىڭ 1-بولىگىمەن، 228-بابىمەن، 235-بابى 3-بولىگىمەن قاراستىرىلعان) ايىپتار تاعىلعان بولاتىن.
بارىنشا كولەمدى جانە كۇردەلى قىلمىستىق ىستەردىڭ ءبىرى بولىپ تابىلاتىن بۇل قىلمىستىق ءىستىڭ كولەمى ەكى مىڭ تومنان اسادى جانە 150-دەن استام ەپيزودتان تۇرادى. ۇيىمداسقان قىلمىستىق توپتىڭ جاساعان ارەكەتتەرىنەن كەلتىرىلگەن شىعىننىڭ انىقتالعان سوماسى 7,5 ميلليارد ا ق ش دوللارىنان اسادى. قىلمىسكەرلەردىڭ ءىس-ارەكەتى تەك قازاقستان اۋماعىمەن عانا شەكتەلمەگەن، قىلمىستاردىڭ ەلەۋلى بولىگى قازاقستاندا باستاۋ الىپ، باسقا ەلدەر اۋماعىندا، سونىڭ ىشىندە رەسەي فەدەراتسياسى مەن ۋكراينادا اياقتالعان. ولار قىلمىستىق ارەكەتتەرىمەن ءتۇرلى شەتەلدىك مەملەكەتتەر مەن زاڭدى تۇلعالاردىڭ مۇددەلەرىنە نۇقسان كەلتىردى.
اتاپ ايتقاندا، رەسەي فەدەراتسياسىندا رەسەي ورتالىق بانكىنىڭ ءىرى تۇراقتاندىرعىش زايمدارى مەن جەكە تۇلعالاردىڭ سالىمدارى ۇرلاندى. قىلمىسكەرلەردىڭ رەسەي مەن ۋكراينادا كەلتىرگەن شىعىندارىنىڭ سوماسى ميللياردتاعان دوللارمەن ەسەپتەلەدى. وسىعان بايلانىستى، شەتەلدىك مەملەكەتتەردىڭ ءبىرقاتارى وزدەرىنىڭ ىشكى قۇقىقتىق جانە اكىمشىلىك جۇيەلەرىنە سايكەس دەربەس ۇلتتىق مۇددەلەرىن باسشىلىققا الا وتىرىپ، ۇيىمداسقان قىلمىستىق توپتى قىلمىستىق قۋدالاۋدى جۇزەگە اسىرۋدا. ولاردىڭ ىشىندە رەسەي فەدەراتسياسى مەن ۋكراينانىڭ قۇقىق قورعاۋ ورگاندارى دەربەس قىلمىستىق ىستەرگە تەرگەۋ جۇرگىزۋدە.
2- اقپان كۇنى سىبايلاس جەمقورىققا قارسى ءىس-قيمىل ۇلتتىق بيۋروسى «بتا بانكى» اق- تىڭ بۇرىنعى توپ مەنەدجەرلەرى م. ءابىليازوۆتى بۇقارالىق اقپارات قۇرالدارى ارقىلى تەرگەۋگە شاقىرۋ تۋرالى حابارلاندىرۋدى جاريا ەتكەن بولاتىن.
وندا: «انىقتالعان فاكتىلەر ءابىليازوۆتىڭ قازاقستان اۋماعىندا جانە ودان تىسقارى جەرلەردە ارەكەت ەتكەن بىرنەشە قىلمىستىق توپتىڭ باسىن قوساتىن قىلمىستىق قوعامداستىق قۇرىپ، باسشىلىق جاسادى دەگەن كۇدىكتى ايقىنداي ءتۇستى. قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 208-بابى 1-تارماعىنا سايكەس كۇدىكتى شاقىرۋ قاعازى ارقىلى تەرگەۋگە شاقىرىلادى.
ءبىراق، كۇدىكتى ءابىليازوۆتىڭ قازاقستان رەسپۋبليكاسىنان تىسقارى جەردە بولۋىنا جانە كەلۋدەن باس تارتقانى ءۇشىن جەمقورلىققا قارسى قىزمەت ق ر ق ى ج ك 205-بابى 3-تارماعىنا سايكەس بۇقارالىق اقپارات قۇرالدارىندا كۇدىكتىنى تەرگەۋگە شاقىرۋ تۋرالى حابارلاندىرۋدى جاريا ەتەدى.
كۇدىكتى ءابىليازوۆ 2017-جىلدىڭ 10- اقپانى كۇنى ساعات 17:00 گە دەيىنگى مەرزىمدە سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ قازاقستان رەسپۋبليكاسى، استانا قالاسى سەيفۋللين كوشەسى 37 مەكەنجايداعى اكىمشىلىك عيماراتىنا، جەدەل تەرگەۋ توبىنىڭ جەتەكشىسى تەرگەۋ دەپارتامەنتىنىڭ باسشىسى پەروۆ سەرگەي نيكولايەۆيچكە كەلۋى قاجەت»، - دەلىنگەن.
تەرگەۋ امالدارىنا قاتىسۋ ءۇشىن كۇدىكتى ءوز بەتىنشە قورعاۋشىنى شاقىرۋعا نەمەسە قىلمىستىق ءىس جۇرگىزەتىن ورگاننان قورعاۋشىنىڭ قاتىسۋىمەن قامتاماسىز ەتۋ تۋرالى قولداۋحات بەرۋگە قۇقىلى. ەگەر قورعاۋشى كۇدىكتى نەمەسە ونىڭ زاڭدى وكىلى، سونىمەن قاتار ونىڭ تاپسىرۋىمەن وزگە دە تۇلعالار تارابىنان شاقىرىلماسا، وندا قورعاۋشىنىڭ قاتىسۋىن قىلمىستىق پروتسەستى جۇرگىزەتىن ورگان قامتاماسىز ەتەتىن بولادى.
ق ر ق ى ج ك 205- بابى 3- تارماعىنا سايكەس كۇدىكتى ءابىليازوۆتى شاقىرۋ تۋرالى حابارلاما رەسپۋبليكالىق بۇقارالىق اقپارات قۇرالدارىندا جاريالاندى جانە ونىڭ تۇرۋى مۇمكىن فرانسيا مەن جاقىن تۋىستارىنىڭ تۇرعىلىقتى جەرى يتالياعا جىبەرىلدى.
اۆتور: مارلان جيەمباي
