00:05, 14 - قازان 2016 | GMT +5
الماتىدا كاسكادەرلار 1 مىڭ بالانى اتقا مىنگىزىپ ۇيرەتەدى - فوتو
الماتى. قازاقپارات - الماتىدا «1000 قايىرىمدى ءىس» باعدارلاماسى اياسىندا ماماندار 8-9 جاس ارالىعىنداعى بالالاردى تەگىن اتقا مىنۋگە جانە سۋدا جۇزۋگە ۇيرەتەدى.
بۇل تۋرالى «قازاقپارات» ءتىلشىسى قالالىق دەنە شىنىقتىرۋ جانە سپورت باسقارماسىنا سىلتەمە جاساي وتىرىپ حابارلايدى.
«1000 قايىرىمدى ءىس» باعدارلاماسىنىڭ نەگىزىندە 23 -قازانعا دەيىن 1 مىڭ بالانى جۇزۋگە، جەلتوقسان ايىنا دەيىن 1 مىڭ بالانى اتقا مىنۋگە ۇيرەتۋ جوسپارلانىپ وتىر.
باسقارماداعىلاردىڭ ايتۋىنشا، ءبىرىنشى كەزەكتە بالالار ءۇيى مەن از قامتىلعان وتباسىلاردىڭ بالالارىن اتالعان شاراعا قاتىستىرۋ جوسپارلانعان.
قازىرگى ۋاقىتتا كاسىبي ماماندار بالالاردى قالاداعى 5 باسسەين كەشەنىندە جاتتىقتىرىپ جاتىر.
اتقا ءمىنۋدى «NOMAD» كاسكادەرلار توبى ۇيرەتەدى.
اۆتور: الماس مۇقاش ۇلى
