استانادا يگەرىلمەي جاتقان 1 مىڭنان استام جەر ۋچاسكەسى انىقتالدى

استانا. قازاقپارات - مەملەكەت باسشىسىنىڭ تاپسىرماسىمەن استانا قالاسى اكىمى اسەت يسەكەشەۆ قالالىق قىزمەتتەردىڭ يگەرىلمەگەن جەر ۋچاسكەلەرىن مەملەكەت مەنشىگىنە قايتارۋ، رۇقسات ەتىلمەگەن قوقىس ورىندارىن بولدىرماۋ جانە قۇرىلىس الاڭدارىنداعى قوقىستى ۋاقىتىلى شىعارۋ ماسەلەلەرى جونىندەگى ءىس- قيمىلدار جوسپارىن بەكىتتى.

بۇل تۋرالى اكىمنىڭ باسپا ءسوز قىزمەتىنەن حابارلادى.

بەكىتىلگەن ءىس- شارالار اياسىندا ەلوردا اكىمدىگىندە استانا قالاسى اكىمىنىڭ ءبىرىنشى ورىنباسارى سەرگەي حوروشۋننىڭ توراعالىعىمەن وتىرىس ءوتتى، وعان يگەرىلمەيتىن جەر ۋچاسكەلەرىنىڭ 400 گە جۋىق يەسى قاتىستى.

ەلوردا باسشىسىنىڭ ءبىرىنشى ورىنباسارى سەرگەي حوروشۋننىڭ ايتۋىنشا، ەسكەرتۋ جاسالعاننان كەيىن ءبىر جىلدىڭ ىشىندە يگەرىلمەگەن جەر ۋچاسكەلەرىن قايتارىپ الۋ بويىنشا سوتقا تالاپ- ارىز ۇسىنىلادى.

2012-2016 -جىلدارى ەلوردا اكىمدىگى پروكۋراتۋرا ورگاندارىمەن بىرگە قالا اۋماعىنداعى يگەرىلمەيتىن جالپى اۋدانى 16 مىڭ گ ا 1084 جەر ۋچاسكەسى انىقتالدى. سونىڭ ىشىندە قابىلدانعان شارالاردىڭ ناتيجەسىندە جالپى اۋدانى 6 مىڭ گ ا 265 يگەرىلمەيتىن جەر ۋچاسكەسى (سونىڭ ىشىندە، جالپى اۋدانى 5,2 مىڭ گ ا 88 اۋىل شارۋاشىلىق ماقساتتاعى جەر ۋچاسكەسى، اۋدانى 0,8 مىڭ گ ا 177 كوممەرتسيالىق نىسان) مەملەكەتكە قايتارىلدى.

بۇعان دەيىن پايدالانىلماي كەلگەن اۋدانى 4,4 گ ا جەر ۋچاسكەسى (سونىڭ ىشىندە: اۋدانى 4 مىڭ گ ا اۋىل شارۋاشىلىق ماقساتتاعى 54 جەر ۋچاسكەسى، اۋدانى 0,4 مىڭ گ ا 286 كوممەرتسيالىق نىسان) يگەرىلە باستادى.

سونداي-اق، اۋدانى 5,6 مىڭ گ ا 479 جەر ۋچاسكەسى بويىنشا پايدالانىلمايتىن جەر ۋچاسكەلەرىن قايتارۋدى قامتاماسىز ەتۋ بويىنشا جول كارتاسى ازىرلەندى. قۇجات اياسىندا بارلىق پايدالانىلمايتىن جەرلەردىڭ يەلەرىنە ءبىر جىلدىڭ ىشىندە جەردى ماقساتتى پايدالانۋ قاجەتتىلىگى تۋرالى ۇيعارىم بەرىلدى.

سونىمەن قاتار، قۇرىلىس الاڭدارىنداعى قوقىستى ۋاقىتىلى شىعارۋ جانە رۇقسات ەتىلمەگەن قوقىس ورىندارىن بولدىرماۋ بويىنشا ماسەلەلەر اكىمدىكتىڭ ەرەكشە باقىلاۋىنا الىندى. سالۋشىلار مەن يگەرىلمەگەن جەر ۋچاسكەلەرىنىڭ يەلەرىنە ەكى اپتانىڭ ىشىندە اۋماقتاعى قوقىستى ارنايى قالالىق پوليگونعا شىعارۋ تۋرالى ەسكەرتۋ جاسالدى.

ايتا كەتەيىك، ق ر جەر كودەكسىنىڭ 94-ب. نورماسىنىڭ تالاپتارىنا سايكەس، يگەرىلمەيتىن جەر ۋچاسكەلەرى سوت شەشىمىمەن الىنادى جانە سوت ورىنداۋشىلارىمەن ساۋداعا (اۋكسيونعا) شىعارىلادى. قازىرگى تاڭدا اۋدانى 69,3 گ ا 33 جەر ۋچاسكەسىن ءماجبۇرلى تۇردە مەملەكەت مەنشىگىنە قايتارۋ تۋرالى شاعىم قاناعاتتاندىرىلدى. وسى باعىتتاعى جۇمىستار جالعاسۋدا جانە تۇراقتى باقىلاۋعا الىندى.