الاياق كەلىنشەك برەند سومكەلەردى ساتۋدان 1 ميلليون دوللار تاپقان
بىرنەشە جىلدان بەرى پرەپيچ سماتسورابۋد ونلاين دۇكەننەن بەلگىلى ديزاينەرلەردىڭ - Gucci, Burberry, Fendi سەكىلدى قۇنى 2000 دوللاردان جوعارى سومكەلەرىن ساتىپ الىپ جۇرگەن. ول ەلدەگى ۇلكەن ۋنيۆەرماگ سايتتارىندا ساۋدا جاساعان. الايدا ءبىراز ۋاقىتتان كەيىن تاۋارعا كوڭىلى تولماعان كەيىپ ءبىلدىرىپ ونى قايتارىپ وتىرعان.
الايدا سماتسورابۋد قايتارعان سومكەلەر ديزاينەر قولىنان شىققان بۇيىم ەمەس، قىتايدا جاسالعان ارزانقول ءتۇرى بولاتىن. وسىلايشا كەلىنشەك 12 شتاتتا ساتۋشىلاردى سان سوقتىرىپ كەتكەن. اقشاسىن قايتارىپ، ورنىنا جالعان Gucci وتكىزگەن كەلىنشەك ديزاينەرلىك بۇيىمدى ءوزىنىڭ ينستاگرام پاراقشاسىندا نەمەسە ebay ءباسساۋدا جەلىسىندە ساتىپ جىبەرەتىن بولعان.
وسىلايشا الاياقتىقپەن سومكەلەردى وتكىزۋدەن عانا كەلىنشەك 1 ميلليون دوللاردان استام اقشا تاپقان. ال سومكەلەردى ساتۋدان تاپقان تابىسى ازىرگە بەلگىسىز.
كەلىنەشەكتىڭ ءۇيىن ءتىنتۋ كەزىندە 572 سومكە تابىلعان، ونىڭ كوبى قىتايدا جاسالعاندىعى انىقتالدى.
الاياقتىق ءۇشىن جاۋاپقا تارتىلعان كەلىنشەككە 20 جىل باس بوستاندىعىنان ايىرۋ جازاسى بەرىلۋى مۇمكىن.
اۆتور: قانات مامەتقازى ۇلى
