ەلباسى حالىق ءارتىسى س. ورازبايەۆتى 1- دارەجەلى «دوستىق» وردەنىمەن ماراپاتتادى

استانا. قازاقپارات - ەلباسى قازاقستاننىڭ حالىق ءارتىسى ءسابيت ورازبايەۆتى قابىلدادى، دەپ حابارلايدى اقوردانىڭ باسپا ءسوز قىزمەتى.

نۇرسۇلتان نازاربايەۆ ءسابيت ورازبايەۆتىڭ م. اۋەزوۆ اتىنداعى قازاق مەملەكەتتىك اكادەميالىق دراما تەاترىندا 50 جىلدان اسا جۇمىس ىستەگەنىن، وسى ۋاقىت ىشىندە 100 دەن استام ءرولدى سومداعانىن اتاپ ءوتتى.

مەملەكەت باسشىسى حالىق ءارتىسىنىڭ قازاق تەاترىنىڭ دامۋىنا كۋا بولىپ، ق. بادىروۆ، س. قوجامقۇلوۆ، ق. قۋانىشبايەۆ سىندى ساحنا ساڭلاقتارىمەن بىرگە ونەر كورسەتكەنىنە نازار اۋداردى.

كەزدەسۋ بارىسىندا قازاقستان پرەزيدەنتى وتاندىق تەاتر ونەرىنىڭ دامۋىنا قوسقان ەلەۋلى ۇلەسى، بەيبىتشىلىكتى، دوستىق پەن قوعامدىق كەلىسىمدى نىعايتۋعا سىڭىرگەن ەڭبەگى ءۇشىن س. ورازبايەۆتى I دارەجەلى «دوستىق» وردەنىمەن ماراپاتتادى.

س. ورازبايەۆ ماراپات ءۇشىن، سونداي-اق م. اۋەزوۆ اتىنداعى تەاتردى جانە جالپى تەاتر ونەرىن دامىتۋعا كوڭىل ءبولىپ وتىرعانى ءۇشىن نۇرسۇلتان نازاربايەۆقا العىس ايتتى.