ەلباسى قازاقستاندىقتاردى 1- مامىر - بىرلىك كۇنىمەن قۇتتىقتادى

 الماتى. قازاقپارات - الماتىنىڭ «استانا» الاڭىندا 1 - مامىر - بىرلىك كۇنىنە وراي مەرەكەلىك كونسەرت ءوتىپ جاتىر. ساحنادا ءتۇرلى ەتنو مادەني بىرلەستىكتەر مەن مۋزىكالىق ۇجىمدار ونەر كورسەتۋدە.

سالتاناتتى شاراعا مەملەكەت باسشىسى نۇرسۇلتان نازاربايەۆ قاتىستى.

 «قۇرمەتتى، حالقىم! بۇگىنگى بىرلىك كۇنى قۇتتى بولسىن. قازاق حالقى وسى بىرلىگىنىڭ ارقاسىندا حاندىق قۇردى. ەلىن قورعادى، جەرىن ساقتاپ قالدى. الماتىدا جاريالانعان تاۋەلسىزدىكتىڭ 25 جىلدىعىن اتاپ وتپەكپىز. العاشقى 8 جىلدا ەل بولىپ قالامىز با دەگەن ۇلكەن سۇراق تۇردى. ەكونوميكامىزدى 20 ەسەگە ۇلعايتتىق. قازىر كوشەگە شىقساڭىزدار، باسقا ەل، باسقا مەملەكەت، باسقا ادامدار. وسىنىڭ ءبارى - ەل بىرلىگىنىڭ ارقاسى»، - دەدى مەملەكەت باسشىسى نۇرسۇلتان نازاربايەۆ.

مەملەكەت باسشىسى مادەنيەت ۇجىمدارىنىڭ مەرەكەلىك كونسەرتىن تاماشالادى. كورەرمەندەر الدىندا ءمادينا ءسادۋاقاسوۆا، «مۋزارت»، ەربولات قۇدايبەرگەنوۆ، ديلناز احماديەۆا ونەر كورسەتتى.

اۆتور: گۇلميرا عوسمانالي