استانادا 1 -مامىر مەرەكە كۇنى وتەتىن مەرەكەلىك شارالار

استانا. قازاقپارات - استانادا قازاقستان حالقىنىڭ بىرلىگى كۇنىنە ارنالعان مەرەكەلىك شارالارعا بەلسەندى دايىندىق جۇمىستارى جۇرگىزىلىپ جاتىر.

كۇن سايىن قالادا جاڭا مەرەكەلىك ينستاللياتسيالار پايدا بولىپ، ساحنالىق الاڭدار ورناتىلۋدا، دەپ حابارلايدى ەلوردا اكىمدىگىنىڭ رەسمي سايتى.

1 -مامىر - قازاقستان حالقىنىڭ بىرلىگى كۇنىنە ارنالعان باستى مەرەكەلىك شارا «قازاق ەلى» مونۋمەنتىنىڭ الدىنداعى الاڭدا وتەدى. مەرەكەلىك كونسەرتتە 450 جۋىق ءارتىس پەن شىعارماشىلىق ۇجىم ونەر كورسەتپەك. ەتنومادەني بىرلەستىكتەردىڭ 300 استام وكىلى حالىقتىق سەرۋەنگە قاتىسادى. بۇل كۇنى ءاربىر ەتنومادەني ۇيىمى ۇزىندىعى 50 مەترلىك مەرەكەلىك داستارقانعا ءوزىنىڭ ۇلتتىق تاعامىن قويادى.

كوپشىلىك نازارىنا استانا قالاسىنىڭ شىعارماشىلىق ۇجىمدارىنىڭ قاتىسۋىمەن مەرەكەلىك باعدارلاما ۇسىنىلادى. حالىقتىق سەرۋەن وتەتىن «قازاق ەلى» مونۋمەنتىنىڭ الدىنداعى الاڭدا مەرەكەلىك ساۋدا، ءتۇرلى سپورت تۇرلەرىنەن جارىستار ۇيىمداستىرىلادى. سونداي-اق، مادەني جانە سپورتتىق شارالار «بايتەرەك» مونۋمەنتىنىڭ الدىنداعى الاڭدا جانە «ستۋدەنتتىك» پاركتە دە وتەدى.

قازاقستان حالقىنىڭ بىرلىگى كۇنىن مەرەكەلەۋ اياسىندا قالالىق مادەنيەت مەكەمەلەرىندە دە ءتۇرلى ءىس-شارالار (كونسەرتتەر، سپەكتاكلدەر، كورمەلەر) وتكىزىلەدى.

استانا قالاسىنىڭ اكىمدىگى ەلوردا تۇرعىندارى مەن قوناقتارىنا ارنالعان جەكە باعدارلاما ازىرلەدى. كەشكە ساعات 20.30-23.00 قالالىق الاڭدا تانىمال «فورمات» توبىنىڭ قازاقستان حالقىنىڭ بىرلىگى كۇنىنە ارنالعان مەرەيتويلىق كونسەرتى وتەدى.

سونىمەن قاتار، وتان قورعاۋشى كۇنىنە جانە 1941-1945 ج ج. ۇلى وتان سوعىسىنداعى جەڭىس كۇنىن مەرەكەلەۋگە ارنالعان شارالارعا دايىندىق جۇمىستارى جۇرگىزىلۋدە.