قازاقستان 1 مىڭنان استام يادرولىق وقتۇمسىقتان باس تارتتى - ق. توقايەۆ
«قازاقستان الەمدىك قوعامداستىقتا يادرولىق قارۋدى تاراتپاۋدا كوشباسشى رەتىندە قاراستىرىلىپ وتىر. بۇل تۇرعىدا مەملەكەت باسشىسىنىڭ ەڭبەگى ەرەن. عالامشاردا قۋاتى جاعىنان زىمىراندى- يادرولىق ءتورتىنشى الەۋەتكە يە بولا تۇرا، ياعني بىزدەگى 1216 يادرولىق وقتۇمسىقپەن ۇلى بريتانيا، فرانسيا جانە قىتاي ەلدەرىن قوسقاندا ءبىزدىڭ ارسەنال ارتىق بولاتىن. قازاقستان وسىنداي مارتەبەدەن باس تارتىپ، يادرولىق قارۋدى تاراتپاۋ تۋرالى شارتقا قوسىلدى»، - دەدى سەنات ءتوراعاسى.
ەستەرىڭىزگە سالا كەتەيىك، 2009 -جىلى ب ۇ ۇ باس اسسامبلەياسى قازاقستان رەسپۋبليكاسىنىڭ باستاماسىمەن ۇسىنىلعان «يادرولىق سىناقتارعا قارسى حالىقارالىق كۇن» اتتى قاراردى ماقۇلدادى. يادرولىق قارۋدان ازات الەمگە قول جەتكىزۋدەگى ماڭىزدى قۇرالداردىڭ ءبىرى ەكەندىگىن ەسكەرە وتىرىپ، قارار تامىزدىڭ 29-ىن يادرولىق سىناقتارعا قارسى حالىقارالىق كۇن دەپ جاريالادى.
اۆتور: رۋسلان عابباسوۆ
