02:03, 26 - قىركۇيەك 2015 | GMT +5
قازاننىڭ 1- كۇنى بايقوڭىردان تاعى ءبىر زىمىران ۇشىرىلادى
استانا. قازاقپارات - 2015 -جىلعى قازاندا №429 «پروگرەسس م-29م» كولىكتىك جۇك كەمەسىن تىركەگەن «سويۋز- ۋ» تاسىمالداعىش زىمىرانىنىڭ ۇشىرىلىمى بولادى.
بۇل تۋرالى قازعارىشتىڭ باسپا ءسوز قىزمەتىنەن حابارلادى.
رەسەي فەدەراتسياسىنىڭ «جەرۇستى عارىشتىق ينفراقۇرىلىم وبەكتىلەرىن پايدالانۋ ورتالىعى» فەدەرالدىق مەملەكەتتىك ۋنيتارلى كاسىپورنىنىڭ اقپاراتى بويىنشا 2015 -جىلدىڭ 1 -قازانىندا استانا ۋاقىتى بويىنشا 22 ساعات 49 مينۋتتا «بايقوڭىر» عارىش ايلاعىنان №429 «پروگرەسس م-29م» كولىكتىك جۇك كەمەسىن تىركەگەن «سويۋز- ۋ» تاسىمالداعىش زىمىرانىن ۇشىرۋ جوسپارلانعان.
قازىرگى ۋاقىتتا بارلىق ۇيىمداستىرۋشىلىق- دايىندىق جۇمىستارى شتاتتىق(جوسپارلى) رەجيمدە ءجۇرىپ جاتىر.
