ءبىلىم ۆيتسە- ءمينيسترى 1- سىنىپ وقۋشىلارىنا پرەزيدەنت اتىنان سىيلىق تابىستادى - فوتو

جاڭا ءبىلىم وشاعىنىڭ اشىلۋىنا ق ر ءبىلىم جانە عىلىم ۆيتسە- ءمينيسترى تاكير بالىقبايەۆ قاتىسىپ، وقۋلارىندا تابىس تىلەدى.
«بۇگىن - ءبىلىم كۇنى، وتە مەرەيلى مەرەكە. ءبىلىم كۇنىندە جاڭا مەكتەپتەر اشىلىپ جاتىر. سونىڭ ءبىرى - مىنە، سەندەر تابالدىرىعىن اتتاعان №77 مەكتەپ- گيمنازياسى. بۇل مەكتەپ 1200 بالاعا ارنالعان جانە قازاق تىلىندە ءبىلىم بەرەدى. انا ءتىلىمىز بەن اعىلشىن ءتىلىن تەرەڭدەتىپ وقىتادى. جاڭا وقۋ جىلىندا جاڭا مەكتەپتە بىلىمدەرىڭدى ۇشتاي بەرىڭدەر، بۇلدىرشىندەر»، - دەدى ت. بالىقبايەۆ ءوز قۇتتىقتاۋىندا.
ەستەرىڭىزگە سالا كەتەيىك، بيىل 1- سىنىپقا بارعان بارلىق وقۋشىلارعا ق ر پرەزيدەنتى اتىنان سىي جاسالادى. ۆيتسە- مينيستر دە جاڭا اشىلعان مەكتەپتىڭ بىرىنشى سىنىبىنا بارعان 168 بالاعا پرەزيدەنت اتىنان ەلباسىنىڭ «مەنىڭ وتانىم - قازاقستان» اتتى كىتاپتى تابىس ەتتى.
«ەلباسىنىڭ بۇل كىتابى ءبىلىم الەمىن ەندى تانيتىن بۇلدىرشىنگە ءوز ەلى، ءوز وتانى تۋرالى ءبارىن ايتىپ بەرەدى. بۇل - باعاسى قىمبات سىيلىق. ەندى ءارىپ تانىعان بالا وسى كىتاپتى وقي وتىرىپ، تۋعان جەرىن باعالاۋدى ۇيرەنەدى»، - دەپ اتاپ ءوتتى ت. بالىقبايەۆ.
ايتا كەتەيىك، بيىل ەلىمىز بويىنشا 157 مەكتەپ جاڭادان سالىنسا، ونىڭ 84-ءى ءبىلىم كۇنىندە اشىلىپ وتىر.