بۇگىن باكۋدە 1- ەۋروپالىق ويىندار اشىلادى
جالپى، باكۋدە 20 سپورتتىق جارىس تۇرلەرىنەن سايىستار وتكىزىلەدى: ونىڭ 16 سى - وليمپيادالىق سپورت ويىندارى بولسا، قالعان 4 ءى - وليمپيادالىق ەمەس سپورت تۇرلەرى. ەۋروپانىڭ تۇكپىر-تۇكپىرىنەن جينالعان 6 مىڭنان استام سپورتشى 17 كۇن بويى ءوز ەلىنىڭ نامىسىن قورعايتىن بولادى.
ايتا كەتەيىك، 2012-جىلعى جەلتوقساندا ەۋروپالىق وليمپيادا كوميتەتى باكۋدى ەۋروپالىق ويىنداردى وتكىزۋگە لايىق دەپ تانىعان بولاتىن.
ويىنداردىڭ اشىلۋ سالتاناتى كوپتەگەن مەملەكەتتەردىڭ تەلەارنالارىنىڭ تىكەلەي ەفيرىنەن كورسەتىلەدى.
وسىعان دەيىن حابارلاعانىمىزداي، ق ر پرەمەر-ءمينيسترى كارىم ءماسىموۆ باسقارعان قازاقستان دەلەگاتسياسى «باكۋ-2015» ءبىرىنشى ەۋروپالىق ويىندارىنىڭ اشىلۋ راسىمىنە قاتىسۋ ءۇشىن باكۋ قالاسىنا بارادى. دەلەگاتسيانىڭ قۇرامىندا قازاقستاننىڭ مادەنيەت جانە سپورت ءمينيسترى ارىستانبەك مۇحامەدي ۇلى بولادى.
سونداي-اق بۇل ايتۋلى دودانىڭ اشىلۋ سالتاناتىنا قاتىسۋ ءۇشىن حالىقارالىق وليمپيادا كوميتەتىنىڭ پرەزيدەنتى توماس باح 11- ماۋسىمدا ازەربايجانعا كەلدى.