جوعارعى سوتتا 1 -مامىر - قازاقستان حالقىنىڭ بىرلىگى كۇنى مەرەكەسىنە ارنالعان سالتاناتتى جيىن ءوتتى - فوتو
كەشە، 30 -ساۋىردە بولعان ءىس- شاراعا جوعارعى سوت ءتوراعاسى قايرات ءمامي، قاداعالاۋشى سوت القالارىنىڭ ءتوراعالارى مەن سوت جۇيەسىنىڭ ارداگەرلەرى، سۋديالار مەن جوعارعى سوت اپپاراتىنىڭ قىزمەتكەرلەرى قاتىستى.
سالتاناتتى شاراعا قوناق رەتىندە قازاقستان حالقى اسسامبلەياسى ءتوراعاسىنىڭ ورىنباسارى - حاتشىلىق مەڭگەرۋشىسى ەرالى توعجانوۆ، كونستيتۋتسيالىق كەڭەستىڭ ءتوراعاسى يگور روگوۆ، قازاقستان حالقى اسسامبلەياسىنان پارلامەنت ماجىلىسىنە سايلانعان دەپۋتاتتار شاقىرىلدى.
جيىننىڭ الدىندا ۇيىمداستىرىلعان قازاقستان حالقى دوستىعىنىڭ فەستيۆالىنە جوعارعى سوت اپپاراتىنىڭ قىزمەتكەرلەرى بەلسەنە اتسالىستى. فەستيۆال شەڭبەرىندە اپپاراتتىڭ ءاربىر قۇرىلىمدىق بولىمشەسى قازاقستاندا تۇراتىن ەتنوستاردىڭ مادەنيەتى مەن سالت-ءداستۇرىنىڭ وزىق ۇلگىلەرىن كورسەتىپ، مۋزىكاسىن ورىنداپ، ۇلتتىق تاعامدارىن كوپشىلىك نازارىنا ۇسىندى.
سالتاناتتى جيىندى اشقان ق. ءمامي قازاقستاندىقتار ءۇشىن 1 -مامىر مەرەكەسىنىڭ ماڭىزدىلىعىنا توقتالىپ، قازاقستان حالقىنىڭ بىرلىگىن ساقتاۋ مەن نىعايتۋدا مەملەكەت باسشىسىنىڭ ءرولى ايرىقشا ەكەنىن اتاپ ءوتتى.
«تاۋەلسىز قازاقستاننىڭ بارلىق تابىستارى مەن جەتىستىكتەرىنە كوپ جاعدايدا ەلىمىزدەگى بەيبىتشىلىك پەن كەلىسىمنىڭ ارقاسىندا قول جەتكىزدىك. بۇگىندە رەسپۋبليكامىزداعى سوتتاردا 28 ەتنوس وكىلدەرى جەمىستى قىزمەت اتقارۋدا. سوتتار تاراپىنان جىل سايىن ءبىر ميلليوننان استام ءىستىڭ قارالۋى، حالىق سەنىمىنىڭ ارتا ءتۇسۋى قازاقستاندىق سوت تورەلىگىنىڭ ءتيىمدى كورسەتكىشى بولىپ سانالادى»، - دەدى ءوز سوزىندە جوعارعى سوت ءتوراعاسى.
سالتاناتتى جيىندا ءسوز العان ەرالى توعجانوۆ جينالعان قاۋىمدى مەرەكەمەن قۇتتىقتاي وتىرىپ، «قازاقستان بىرلىگى كۇنىنە ارنالعان سالتاناتتى ءىس- شارانى مەملەكەتتىك مەكەمەلەر اراسىندا العاش بولىپ جوعارعى سوت ۇجىمى بۇگىن جوعارى دەڭگەيدە وتكىزدى. بارلىعىڭىزدى وسىناۋ ءىس- شارانىڭ ۇيىمشىلدىقپەن وتۋىمەن جانە مەرەكەمەن قۇتتىقتايمىن» دەي كەلىپ، جوعارعى سوت ءتوراعاسى قايرات ءمامي مەن كونستيتۋتسيالىق كەڭەس ءتوراعاسى يگور روگوۆقا «قازاقستان حالقى اسسامبلەياسىنا 20 جىل» مەرەيتويلىق مەدالىن تابىستادى.
سونداي-اق، جوعارعى سوتتىڭ ءبىرقاتار سۋديالارى قازاقستان رەسپۋبليكاسىنىڭ پرەزيدەنتى - قازاقستان حالقى اسسامبلەياسى ءتوراعاسى اتىنان مەرەيتويلىق مەدالدارمەن، قۇرمەت گراموتالارىمەن جانە العىس حاتتارمەن ماراپاتتالدى. بۇعان قوسا، رەسپۋبليكامىزدىڭ بارلىق وڭىرىندەگى 45 سۋديا جانە وتستاۆكاداعى 11 سۋديا ءدال وسىنداي ماراپاتتارعا يە بولدى.
جوعارعى سوت ءتوراعاسىنىڭ وكىمىمەن قازاقستان حالقىنىڭ بىرلىگى كۇنىنە وراي جانە ۇلى وتان سوعىسىنداعى جەڭىستىڭ 70 جىلدىعى قارساڭىندا رەسپۋبليكاداعى 70 كە جۋىق سۋديا، ۇلى وتان سوعىسىنىڭ ارداگەرلەرى، تىل ەڭبەككەرلەرى مەن وتستاۆكاداعى سۋديالار ۆەدومستۆولىق مەدالدارمەن جانە ارنايى توسبەلگىلەرمەن ماراپاتتالدى. اتالعان ناگرادالار وڭىرلەرگە جىبەرىلدى جانە ماراپات يەلەرىنە سالتاناتتى تۇردە تاپسىرىلاتىن بولادى. ءىس- شارا سوڭى مەرەكەلىك كونتسەرتكە ۇلاستى.
ا
اۆتور: ن. نۋراحمەت
