10:35, 29 - ءساۋىر 2015 | GMT +5
قازاقستان ۋكرايناعا 1 ميلليون ەۆرو بولەدى
استانا. قازاقپارات - قازاقستان ۋكرايناداعى چەرنوبىل اتوم ەلەكتر ساتنتسياسىنىڭ قۇرىلىسىنا كومەككە تاعى 1 ميلليون ەۆرو بولەتىن بولدى.
قارجى اتالمىش ەلەكتر ساتنتسياسىنداعى قاۋىپسىز جاڭا بولشەكتەردىڭ قۇرىلىسىنا جۇمسالاتىن بولادى.
بۇل تۋرالى ەكونوميكالىق ينتەگراتسيا ىستەرى ءمينيسترى جانار ايتجانوۆا ۋكراينانى قولداۋ حالىقارالىق كونفەرەنتسياسىندا مالىمدەدى دەپ پرەسسورگ حابارلادى.
«قازاقستان ۇكىمەتى جاقىندا چەرنوبىلدىق «ۋكرىتيە» قورىنا قارجىلاي كومەك كورسەتۋ تۋرالى شەشىم قابىلداپ، 1 ميلليون ەۆرو بولەتىن بولدى»، - دەدى ايتجانوۆا.
مينيستر، سونىمەن قاتار 2011 -جىلدىڭ باسىندا قازاقستاننىڭ ۋكرايناعا جاردەم رەتىندە 2 ميلليون ەۆرو قارجىنى چەرنوبىلداعى قاۋىپسىزدىك قۇرىلىستارىنا بولگەندىگىن اتاپ ءوتتى.
دەرەككوز: Nur.kz
