قانات يسلام مەن جانقوش تۇراروۆ 1 - ناۋرىز كۇنى ماسكەۋدە شارشى الاڭعا شىعادى
بۇل تۋرالى سپورتشىلار ۆكونتاكتە الەۋمەتتىك جەلىسىندەگى پاراقشالارىندا حابارلادى.
WBA Fedecaribe اتاعىنىڭ يەگەرى ورتا سالماقتاعى بوكسشى قانات يسلام ارگەنتينا بوكسشىسى گۋيدو نيكولاس پيتومەن كەزدەسەدى. قاناتتىڭ قارسىلاسى ءوز كارەراسىندا 19 رەت جەڭىسكە جەتىپ (سونىڭ ىشىندە 3 نوكاۋتپەن) ، 3 رەت جەڭىلگەن.
قانات يسلام شارشى الاڭعا وتكەن جىلدىڭ تامىز ايىنان بەرى شىققان جوق. سوڭعى كەزدەسۋىندە ول بەسىنشى راۋندتا كولۋمبيا سپورتشىسى فيدەل مونتەرروس مۋنوستى نوكاۋتقا جىبەرگەن. بۇل قازاقستاندىق سپورتىشىنىڭ كارەراسىنداعى 18- تابىسى. قانات بارلىق جەكپە- جەگىندە جەڭىسكە جەتىپ كەلەدى.
1- ناۋرىز كۇنى شارشى الاڭعا سونداي- اق، تاعى ءبىر قازاقستاندىق بوكسشى ورتا سالماقتا جاتتىعىپ جۇرگەن 24 جاستاعى جانقوش تۇراروۆ شىعادى. ول ۆەنەسۋەلانىڭ تاجىريبەلى بوكسشىسى فرانكلين ۆارەلامەن كەزدەسپەك. ۆارەلانىڭ ەسەبىندە 36 جەكپە- جەك بار، سونىڭ 21 ءىن جەڭىسپەن اياقتاسا، قالعان 15 ىندە جەڭىلگەن.
