ق ر پارلامەنتى سەناتىنىڭ دەپۋتاتتارىن سايلاۋ 1- قازانعا تاعايىندالدى
بۇل تۋرالى اقوردانىڭ رەسمي سايتى حابارلادى.
«قازاقپارات» ح ا ا جارلىقتىڭ تولىق ءماتىنىن تاراتادى.
***
قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋدى 2014 - جىلعى 1- قازانعا تاعايىنداۋ تۋرالى قازاقستان رەسپۋبليكاسى كونستيتۋتسياسىنىڭ 44-بابىنىڭ 2) تارماقشاسىنا، «قازاقستان رەسپۋبليكاسىنداعى سايلاۋ تۋرالى» 1995 - جىلعى 28 - قىركۇيەكتەگى قازاقستان رەسپۋبليكاسىنىڭ كونستيتۋتسيالىق زاڭىنىڭ 69 - بابىنا سايكەس، 2008 - جىلعى قازاندا سايلانعان قازاقستان رەسپۋبليكاسى پارلامەنتى سەناتىنىڭ دەپۋتاتتارى وكىلەتتىكتەرىنىڭ كونستيتۋتسيالىق مەرزىمىنىڭ اياقتالۋىنا بايلانىستى قاۋلى ەتەمىن:
1. قازاقستان رەسپۋبليكاسى پارلامەنتى سەناتى دەپۋتاتتارىنىڭ سايلاۋى 2014 - جىلعى 1 - قازانعا تاعايىندالسىن.
2. قازاقستان رەسپۋبليكاسىنىڭ ۇكىمەتى، استانا مەن الماتى قالالارىنىڭ، وبلىستاردىڭ اكىمدەرى قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋدى ۇيىمدىق، ماتەريالدىق- تەحنيكالىق جانە قارجىلىق قامتاماسىز ەتۋ جونىندە شارالار قابىلداسىن.
3. وسى جارلىق جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەزيدەنتى ن. نازاربايەۆ
استانا، اقوردا، 2014 - جىلعى 31 - شىلدە
№871
