مىلتىقسىز سوعىس نەمەسە جارتى جىلدا قازاقستان جولدارىندا 1 مىڭ ادام اجال قۇشتى

استانا. قازاقپارات - بيىل جول-كولىك وقيعالارى سالدارىنان 1015 ادام قازا تاۋىپ، 10911 ادام جاراقات الدى.

بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتتىڭ مالىمەتىندە حابارلاندى.

بەلگىلى بولعانداي، جول اپاتتارىنان اجال قۇشقانداردىڭ كوبى الماتى وبلىسىندا (196 ادام) تىركەلدى. وڭتۇستىك قازاقستان وبلىسىندا بيىلعى التى ايدا 159 ادام، جامبىل وبلىسىندا-90، شىعىس قازاقستان وبلىسىندا 71 ادام مەرت بولدى.

«2014 - جىلعى التى ايداعى جول-كولىك وقيعالارىن جانە زارداپ شەككەن ادامداردى ەسەپكە الۋ مالىمەتتەرىنە سايكەس، ەلىمىز بويىنشا 8608 وقيعا تىركەلدى. 2013 - جىلدىڭ وسى كەزەڭىندە بۇل كورسەتكىش 8462 نى قۇرادى»، - دەلىنگەن كوميتەت مالىمەتىندە. وسىلايشا، بيىل تىركەلگەن ج ك و 1,7 پايىزعا ارتىپ وتىر.

اۆتور: رۋسلان عابباسوۆ