قازاقستاندا 1 مينۋتتا جيىرماعا جۋىق ەسەپ شىعاراتىن وقۋشىلار بار

بۇگىن استاناعا UCMAS حالىقارالىق بالالار ورتالىعىندا وقيتىن وقۋشىلارى الماتىدان ارنايى كەلدى، دەپ حابارلايدى kz.24.
ەستە ساقتاۋ قابىلەتى قاتارلاستارىنان كوش ىلگەرى، ناقتىلىق پەن جىلدامدىق، ءوز-وزىنە سەنىمدىلىك - UCMAS ورتالىعىندا وقيتىن بالالارعا ءتان قاسيەت.
ءۇش تاڭبالى ساندى ەكى نەمەسە ءبىر تاڭبالى سانعا كوبەيتۋ ولار ءۇشىن تۇك ەمەس. ءتىپتى 1 مينۋت ىشىندە 20 عا جۋىق ەسەپتىڭ جاۋابىن ەش قينالماي شىعارا الادى.
UCMAS - 4-12 جاس ارالىعىنداعى بالالاردىڭ اقىل-وي قابىلەتىن دامىتۋعا ارنالعان بىرەگەي حالىقارالىق باعدارلاما. قازىر بۇل ويشا ەسەپ شىعارۋ جۇيەسىمەن مالايزيا، قىتاي، كانادا، ا ق ش، يسپانيا سىندى الەمنىڭ 92 ەلى جۇمىس ىستەيدى. قىزىقتى ءارى كۇردەلى وقىتۋ جۇيەسى ارقىلى بالا سانداردى بەينە رەتىندە قابىلداپ، ماتەماتيكالىق ەسەپكە ءۇيىر بولادى.
بالالاردىڭ وي ءورىسىن، ەسەپتەۋ قابىلەتىن ارنايى ەسەپ قۇرىلعىسى ارقىلى جەتىلدىرۋگە باعىتتالعان باعدارلاما بۇگىندە الماتى، استانا، شىمكەنت، اقتوبە قالالارىندا جۇزەگە اسىرىلىپ كەلەدى. ال الماتىلىق وقۋشىلار استانا كۇنىندە ءوز قارىم-قابىلەتىن كورسەتۋگە ءارى ەلورداعا ساياحات جاساۋعا اتا-انالارىمەن ارنايى كەلىپتى.