قازاقستاندىق شەكاراشى نىسانا كوزدەۋدەن حالىقارالىق جارىستا 1- ورىن الدى

 استانا. قازاقپارات - قازاقستاندىق شەكاراشىلار نىسانا كوزدەۋدەن حالىقارالىق تۋرنيردە ۇزدىك ناتيجە كورسەتتى، دەپ حابارلادى ق ر  ۇ ق ك شەكارا قىزمەتى.
None
None

ماسكەۋدە رەسەي فەدەراسياسىنىڭ  ف ق ق شەكارا اكادەمياسىندا ت م د- عا مۇشە مەملەكەتتەردىڭ شەكارا اسكەرىن باسقارۋشى كەڭەسىنىڭ باسشىلىعىمەن ماكاروۆ تاپانشاسىنان نىسانا كوزدەۋدەن حالىقارالىق تۋرنير ءوتتى.

وعان قازاقستارن، رەسەي، تاجىكستان، قىرعىزستان، تۇرىكمەنستان، ابحازيا، موڭعوليا مەن ۆەتنامنان 8 كوماندا قاتىستى.

قازاقستان رەسپۋبليكاسىنىڭ شەكارا قىزمەتىنىڭ كومانداسىن ر ف  ف ق ق شەكارا اكادەمياسىنىڭ تىڭداۋشىلارى قۇرادى: شتاب باسشىسىنىڭ ورىنباسارى، «سولتۇستىك» ايماقتىق باسقارماسىنىڭ 2034 اسكەري ءبولىمىنىڭ اسكەري دايىندىق ءبولىمىنىڭ باسشىسى، پودپولكوۆنيك ا. قاجەنوۆ، «وڭتۇستىك» ايماقتىق باسقارماسىنىڭ 2041 اسكەري ءبولىمى شتابىنىڭ اعا وفيتسەرى، مايور ا. باقىتبەكوۆ، «باتىس» ايماقتىق باسقارماسى ءبولىمىنىڭ اعا وفيتسەرى، مايور م. كونگۋيەۆ، «بوحر» ايماقتىق باسقارماسىنىڭ 2201 اسكەري ءبولىمىنىڭ ءبولىم باستىعى، كاپيتان ە. ساماتوۆ پەن «بوحر» ايماقتىق باسقارماسىنىڭ 2016 اسكەري ءبولىمى شتابىنىڭ اعا وفيتسەرى، كاپيتان ە. ماناربەك.

 تۋرنير قورىتىندىلارى بويىنشا، قازاقستان رەسپۋبليكاسىنىڭ ۇلتتىق قاۋپسىزدىك كوميتەتى شەكارا قىزمەتىنىڭ وفيتسەرلەر كومانداسى 314 ۇپايمەن جالپى كوماندالىق ەسەپتە 2- ورىن الدى. ر ف  ف ق ق (رەسەي) شەكارا قىزمەتىنىڭ باستىعى، گەنەرال- لەيتەنانت س. پوسكرەبەتيەۆ قاتىسۋشىلارعا ديپلوم مەن كۋبوك تابىستادى.

جارىستىڭ قورىتىندىسى بويىنشا، ماكاروۆ تاپانشاسىنان اتۋ بويىنشا جەكە بىرىنشىلىكتە «وڭتۇستىك» ايماقتىق باسقارماسىنىڭ 2041 اسكەري ءبولىمى شتابىنىڭ اعا وفيتسەرى، مايور ا. باقىتبەكوۆ جەڭىسكە جەتتى. وفيتسەردىڭ ناتيجەسى - 91 ۇپاي.

قازاقستاندىق شەكاراشىلار حالىقارالىق تۋرنير بارىسىندا جوعارى كاسىبي بىلىكتىلىكتەرىن كورسەتىپ، ت م د ەلدەرىنىڭ اراسىندا وزدەرىنىڭ كاسبىي بيىك دەڭگەيىن ايگىلەدى.

سوڭعى جاڭالىقتار