قازاق حاندىعىنا قاتىستى الەمدە بالاماسى جوق 19 قولجازبا جينالدى

نۇر-سۇلتان. قازاقپارات - قازاق حاندىعى تاريحىنا قاتىستى وتە قۇندى 19 قولجازبا جينالدى. قازىر تاريحي جادىگەرلەر زەردەلەنىپ جاتىر.
None
None

بۇل تۋرالى قولجازبالار جانە سيرەك كىتاپتار ۇلتتىق ورتالىعىنىڭ باس ساراپشىسى المات ءابسالىقوۆ ءمالىم ەتتى، دەپ حابارلايدى قازاقپارات ءتىلشىسى.

«تاريح پەن مادەنيەتتىڭ نەگىزى - قولجازبا. سوندىقتان دا قولجازبانىڭ ەل تاريحىندا الاتىن ورنى ەرەكشە. ءبىز قازاق حاندىعى تاريحىنا قاتىستى وتە قۇندى 19 قولجازبا جينادىق. قولجازبالار كونە قازاق تىلىندە جازىلعان. اتالعان قولجازبالار وتە قۇندى جانە ونىڭ الەمدە بالاماسى جوق. الداعى ۋاقىتتا قۇندى جادىگەرلەردى دە كورمەگە قويىپ، كوپشىلىك نازارىنا ۇسىناتىن بولامىز»، - دەدى المات ءابسالىقوۆ ۇلتتىق مۋزەيدە وتكەن كورمەنىڭ اشىلۋىندا.

ونىڭ ايتۋىنشا، ۇلتتىق ورتالىقتا ءارتۇرلى تاريحي كەزەڭدى قامتيتىن شاشامەن 8 مىڭ قولجازبا مەن سيرەك كىتاپتار ساقتالعان.

«قازاق حاندىعىنا قاتىستى تابىلعان قولجازبالاردىڭ ءتۇپنۇسقاسى بريتانيا مۋزەيى مەن فرانسيانىڭ ۇلتتىق كىتاپحاناسىندا ساقتالعان. ەۋروپا ەلدەرىندە مادەنيەتكە ەرەكشە ءمان بەرەدى. سوندىقتاندا ول قولجازبالاردى ساقتاپ وتىر. جالپى ەۋروپا ەلدەرىندە ءتول تاريحىمىزعا قاتىستى قۇندى دۇنيەلەر ءالى دە بار. ءبىراق، وعان قول جەتكىزۋ وڭاي ەمەس، سەبەبى ءتۇپ تۇسقاسىن بەرمەيدى. كوشىرمەسىن بەرۋى مۇمكىن»، - دەيدى ول.

بۇعان دەيىن حابارلاعانىمىزداي، بۇگىن ەلورداداعى ۇلتتىق مۋزەيدە ءتول تاريحتان سىر شەرتەتىن سيرەك كەزدەسەتىن قولجازبالار كورمەگە قويىلدى.

سوڭعى جاڭالىقتار